屋邨商場新派韓食 @ Sister Korea Café

平日在沙田食飯, 也只會在新城市廣場附近的食店, 甚少去屋邨商場食飯. 早前經朋友介紹, 知道在新翠商場開了一間韓式食店, 叫Sister Korea Café, 我當然去試下.

店員先奉上前菜和紫菜肉碎湯.

天氣咁熱, 第一時間叫飲品, 我點了韓國菠蘿冰.

這是用新鮮菠蘿打成, 並用原隻菠蘿上枱, 不但賣相吸引, 而且味道清甜, 仲有好香的菠蘿味, 非常解渴.

小食點了韓式蜜糖炸雞.

外層是帶有甜味而香脆的皮, 內裡的雞肉夠嫩滑.

主菜點了漢拿山芝士蛋溶岩豚肉炒飯和海軍隊長鮮貝鍋配韓國手打烏冬.

先來漢拿山芝士蛋溶岩豚肉炒飯.

這裡炒飯是在客人面前親自炒飯, 而且是由韓國人負責添.

今次幫我地炒飯就是這個好NICE的OPPA, 見我用相機影佢, 佢仲對住鏡頭擺出V字手勢添.

這個炒飯味道適中, 由於即時炒起, 非常熱辣辣, 而且仲有飯焦, 幾有口感.

最後是海軍隊長鮮貝鍋配韓國手打烏冬.

海鮮豐富, 有沙白蜆, 藍青口, 蠔仔, 鮑魚, 而且份量也不少.

各款海鮮也夠新鮮, 當中我最愛食蠔仔和鮑魚.

烏冬夠煙韌, 吸收晒海鮮的精華, 非常鮮甜.

這個鍋較清淡, 能夠中和之前所食較濃味的食品.

沒想到屋邨商場也有這樣的韓式食店, 真是幾有驚喜.