芒果溶心芝士蛋糕 @諾亞半熟蛋糕專門店

愛食甜品的我, 早前在灣仔行街, 無意中見到這裡有諾亞餅店, 見到櫃中的芒果溶心芝士蛋糕幾吸引, 決定將佢帶返屋企.

店員問我要幾耐先返到屋企, 原來佢會因應客人的需要, 而放入適量的乾冰.

返到屋企, 蛋糕仍然保持微凍.

一打開餅盒, 見到餅面放滿芒果粒的芒果溶心芝士蛋糕.

隨盒附上紙碟和膠义, 方便進食.

最細心之處是蛋糕用膠盒承載着, 每次食完後, 可以直接用膠盒放入雪櫃便可.

這個蛋糕最上層放滿了芒果粒, 中間是軟心芝士, 最底層是蛋糕.

芒果肉幾甜, 不太酸, 中間的軟心芝士夠滑身, 仲有淡淡的芝士味, 但不會過濃.

甜甜的芒果配上軟芝士, 味道好夾, 也起了中和作用, 即使食完一整件蛋糕也不會覺得好膩.

這蛋糕有兩個食法, 從雪櫃拎出來直接進食, 或者放在室温等五分鐘左右, 芝士帶點溶身先食. 兩個食法, 口感各有不同.