價錢相宜, 招牌湯底鮮味 @ 靚煲皇

忙完一個星期, 趁星期五放工同朋友去食晚飯, 今次揀了火鍋, 就去了大角咀靚煲皇食飯.

這間店好細心, 枱旁有USB插座俾客人使用.

店員先奉上醬料~

以下是我的混醬.

再奉上前菜, 酸酸地, 幾醒胃.

我地點了這裡的招牌湯底 – 細的靚煲皇.

上枱時已完全被吸收. 因為材料非常豐富, 有六隻大扇貝, 魷魚乾, 蝦乾. 而內裡有豬骨, 粟米、白紅蘿蔔, 好吸引.

店員話先食咗湯料. 豬骨的肉好嫩滑, 仲有好多骨膠原添.

大扇貝算大隻, 又夠鮮味.

當然要飲埋湯啦. 因為湯內有魷魚乾和蝦乾, 夠晒鮮甜, 非常好飲, 記得要飲咗湯先開始火鍋呀.

接着, 就開始火鍋.

我好鍾意食丸類, 所以先來四寶丸和黑椒牛丸.

黑椒牛丸夠惹味, 咬開已有濃濃黑椒味. 我自己就好鍾意食這個.

四寶丸有墨魚丸, 包心貢丸, 牛丸和火腿丸.

四款丸味道都不錯, 也算彈牙, 當中我最鍾意食墨魚丸.

火鍋當然不小得牛肉, 我地點了新鮮滑牛. 原來這裡的滑牛有醃過, 所以色澤有點不同.

牛肉味尚算濃, 牛肉較厚身, 幾有口感.

另外, 也點了長腳蟹棒.

長腳蟹棒不是太粗身, 若蟹味多一點更好.

食了甘多肉類, 要點了蔬菜中和一下.

我地點了什菜. 內裡有金菇, 冬菇, 秀珍菇, 生菜, 油麥菜等, 啱晒想一次過試多幾款菜的朋友.

因為這店開了一周年, 可以免費有甜品食, 分別是抹茶味和藍莓味. 我是食抹茶味, 外皮幾煙靭, 內裡的忌廉也好滑.