中環印度菜 @ Rang Mahal Authentic Indian Cuisine

前幾日去了位於中環的Rang Mahal Authentic Indian Cuisine食晚飯, 食印度菜的地方, 環境總是較為昏昏暗.

由於好多款式也想試, 我地就點了套餐, 可以一次過試多款菜式.

侍應先奉上薄脆, 有三款醬料配合一齊食. 左邊青色那款應該是乳酪混入了香料, 幾特別. 中間那款幾辣下, 唔多食辣的朋友點少許便可. 右邊那款是甜甜地, 有點似甜醬, 幾好味.

首先是小食三款, 包括青瓜乳酪, 香炸雜菜和薯蓉咖喱角.

青瓜乳酪和香炸雜菜外皮較為薄身, 較鬆化.

而薯蓉咖喱角外皮較厚身, 較有口感, 內裡饀料是薯蓉, 微微的香辣, 好惹味.

幸好三款炸物都不是太油膩.

飲品點了乳酪特飲, 主要以芒果和乳略混合而成, 味道不錯, 最啱食咖喱時飲, 可以解辣.

接着, 就是烤魚塊和無骨燒雞, 這是用鐵板上枱, 所以上枱時不但熱辣辣, 色彩奪目, 仲香味撲鼻.

魚塊和雞也是啖啖肉, 我自己較為鍾意食雞, 肉質尚算嫩滑, 而魚塊就混入淡淡的香料.

魚塊和雞可以配合鐵板上的蕃茄, 青椒和洋蔥一齊食, 咁就無咁熱氣.

套餐內以下四款菜式可以每款二選一.

食印度菜, 當然不少得烤餅, 蒜蓉烤餅或原味烤餅, 我地點了蒜蓉烤餅.

蒜蓉烤餅上枱已聞到淡淡的蒜蓉香味, 就咁單食, 我覺得也幾好味, 因為烤餅有點煙韌.

也可以配上咖喱一齊食, 甘就較惹味. 有羊或雞選擇, 我地點了咖喱雞.

我本身唔太食得辣, 這個咖喱雞辣度我也能夠接受到, 好香的咖喱味, 雞肉夠滑, 這個煮法滑咗燒雞.

食了咁多肉類, 可以食蔬菜清一清, 有椰菜花馬鈴薯和咖喱豆蓉, 我地點了椰菜花馬鈴薯.

當中用了不少香料吧, 椰菜花和馬鈴薯也入了味.

食印度菜, 也要試下佢地的飯, 有黃飯或蒸飯, 我地點了黃飯.

黃飯無我想像中咁黃, 飯同我地平日食的飯不同, 較為長身. 這個飯較為淡味, 可以中和其他濃郁的菜式.

值得一提是店內侍應服務好細心, 又好有笑容.