齊來烚烚烚 - 路邊煱

平日甚少去土瓜灣揾食, 原來那邊也有不少好食的店舖, 就去了路邊煱打邊爐.

點解咁遠去食打邊爐, 其實是為了佢地的招牌湯底 – 招牌休菌花甲蟹鍋.

打邊爐之前, 點了兩款小食, 八味金磚豆腐和手拍青瓜.

八味金磚豆腐熱辣辣上枱, 外脆內嫩. 完全無諗過裡面可以咁滑, 真係要讚下個師傅. 來這裡必定要點這個.

手拍青瓜好爽, 帶點酸, 青瓜比較大條和粗身, 所以口感更佳.

簡單混下醬先, 因應自己的喜愛而調配.

招牌休菌花甲蟹鍋上枱已俾鍋裡的蟹吸引住, 好大隻, 而且仲有好多花甲, 我諗有成差不多兩打.

佢地話先飲湯, 之後才打邊爐.

湯好吸收晒蟹和花甲的味道, 加埋什菌, 好鮮甜, 飲唔停口. 花甲算大隻, 入口沒有沙粒, 好乾淨.

蟹肉新鮮, 肉質幾彈牙, 仲有好多蟹膏, 蟹殼都是一樣, 好肥美.

之後, 開始打邊爐.

無牛不歡的我, 點了手切本地肥牛拼牛頸肴.

碟牛好靚, 肥瘦分怖平均.

由於我不食生, 所以我一定滾熟晒先食, 但仍然夠稔, 不會硬和乾, 重牛味.

再來是鮮黑栢葉和肥鵝腸, 這兩款也不是火鍋店常常見到.

鮮黑栢葉夠爽, 煙煙韌韌, 好有口感.

平日我是不食內藏的腸, 覺得太多脂肪, 但見碟肥鵝腸好新鮮, 就試下, 幾爽, 大部份脂肪已經無咗, 所以食少少也不錯.

愛食丸類的我, 樣樣也想試, 所以點了手打四寶丸, 包括墨魚丸, 牛丸, 鮮蝦丸和胡椒豬肉丸.

四款丸夠彈牙, 最推介是胡椒豬肉丸, 這是我首次食, 肉丸混入胡椒, 辣辣地, 幾好味.

火鍋當然不少得炸嚮鈴, 這裡是即叫即炸.

豆味夠濃, 又夠滑, 加上吸收晒湯的精華, 特別好味.

朋友鍾意食魚, 所以點了鯇魚片, 好厚身, 魚片夠光澤.

我不太食魚, 也食了一塊, 味道還可以.

打邊爐的配料仲有好多, 我地只選擇咗部份較特別和出名的款式, 下次要試下其他.

順帶一提, 小店的洗手間俾我的感覺也是不乾淨, 地板又濕, 但這裡的洗手間即使是男女共用一間, 也好乾淨, 非常難得.