不錯午餐小店 - Seguro Deli

平日多數帶飯的我, 上星期經朋友介紹去了北角蜆瞉街一間Seguro Deli小店食午餐.

我點了午餐, 可以自選一款主菜, 可以選擇飯, 意粉或三文治, 再配上凱撒沙律和餐湯或飲品.

我點了車打芝士牛肉三文治套餐跟雜菜湯.

凱撒沙律的蔬菜入口好脆, 有口感, 非常新鮮.

雜菜湯幾清, 味道唔會太咸, 沒有太大特別.

車打芝士牛肉三文治是即叫即整, 所以上枱時已聞到香味, 仲要是熱辣辣.

這款三文治的饀好足料, 牛肉好多呀, 除了車打芝士外, 仲有洋蔥. 炒咗的洋蔥好好味, 洋蔥和牛肉是最佳拍檔, 再加埋芝士, 真係一食就唔停得口. 若芝士份量再一點會更好味.

食完這份三文治, 真是好滿足和好飽, 下次有機會要試下車打芝士雞肉.

這附近一帶仲有一些特色小店, 在附近工作的朋友可以來這裡試試, 下次又試下其他小店先得.

環境幽雅, 食物精緻又有水準 - U Blog有食神, Club One廚神中菜夜

早前好開心出席了『U Blog有食神, Club One廚神中菜夜』活動.

這是我首次去位於淺水灣的Club One.

這裡的怖置和設計也好有心思,  是舉行婚禮的好地方~

連洗手間設計也與別不同.

另外, BAR也很別緻.

參觀完, 就開始晚餐.

首先是松露鵝肝包, 賣相精緻. 包軟硬適中, 內裡的餡散發出淡淡的松露香味, 原來松露和鵝肝是幾夾.

鳳凰三弄, 上枱時, 已見到賣相好精緻.

右邊第一件, 初入口時感覺似蝦餅, 後來才知道, 原來三款菜式也是用雞來整, 但每款的口感都幾不同.

砂窩雞煲排翅, 這碗翅同平日食的好大分別, 因為翅的份量相當多, 每一啖也食到翅. 非常有口感.

這個雞湯是用了十多個小時整出來, 味道相當鮮味, 但又夠濃郁, 配上排翅, 非常之夾.

金香醬海斑件, 賣相好靚, 砌到好似一束花. 魚肉夠嫩滑, 又鮮味, 最重要是唔多腥.

清酒銀羅澳鮑用上冬瓜墊底, 吸收了上湯的精華, 鮑魚味道也不錯.

 

頭抽糯米飯是由大廚親自在現場示範.

糯米飯夠煙靱, 配上各款臘腸, 特別惹味. 初時見到碗飯好似略為肥膩, 但入口又唔覺得, 味道適中.

白龍鱈魚餃的皮唔會過厚, 魚餃上仲放了金箔作為點綴. 內裡的餡幾彈牙.

最後, 當然不能少得甜品, 今次是蛋白杏仁茶. 這個杏仁茶不但充滿杏仁的香味, 加上蛋白, 好滑, 而且仲好滋潤, 最適合依加的天氣食用.

每一道菜的賣相有心思, 而且食物質素又高, 加上環境又靚, 這一餐真係豐富又滿足.

頭髮順滑有光澤 - Rejoice 抗護焗油精華髮膜

頭髮同肌膚也一樣, 除了基本使用洗頭水和護髮素外, 也要定期做一些護理療程, 例如髮膜, 今次試用Rejoice 抗護焗油精華髮膜.

Rejoice 抗護焗油精華髮膜

配方特有6倍熱油精華, 在秀髮表面形成滋養膜, 順滑秀髮並將濃郁的滋養注入髮絲. 特別適合燙染受損、毛躁、乾澀髮質.

使用好簡單, 洗完頭後, 略為整乾頭髮. 我就取適量的髮膜, 集中搽在髮尾的位置, 大約等五至十分鐘左右, 便用清水沖洗乾淨.

吹完頭髮後, 頭髮即時變得順滑, 又較易梳, 而且仲多咗光澤, 只需要每星期用一至兩次, 就能令頭髮變得更健康.

產品和資料由品牌提供.

想知道佢地更多資料和最新消息, 可以登入以下網址:

https://www.facebook.com/LivingArtistHongkong

修護肌膚孖寶 - INSTITUT ESTHEDERM 全方位去紋精華和抗皺修護面霜

隨着年紀漸大, 需要使用一些重點改善肌膚問題的產品, 今次試了INSTITUT ESTHEDERM全新重整活膚系列及歲月無痕護理系列的全方位去紋精華和抗皺修護面霜.

全方位去紋精華RESTRUCTURING SERUM($852/30ml)

蘊含極高濃度重組更新的活性成分, 重點改善皺紋及皺紋深度, 緊緻真皮組織, 減淡皺紋和線紋, 使肌膚得到再生, 不再疲倦, 重現嫩滑緊緻神采.

適合任何膚使用, 尤其受損或疲倦的肌膚.

使用方法:

於早晚潔面爽膚後, 取數滴均勻塗抹於面部及頸部, 輕輕按摩直至完全吸收.

精華是半透明的水凝狀, 質地清爽.

搽上面後, 不但易推開, 也好快被肌膚所吸收.

用後, 肌膚多咗光澤, 感覺肌膚略為緊緻咗, 但我本身紋理較深, 所以未好明顯見到減淡咗, 不過我會持續使用.

抗皺修護面霜WRINKLE CORRECTION LIGHT CREAM($812/ 50ml)

結合高效專利科技，使肌膚得到深層更新及再生，漸漸地更新肌膚組織和明顯撫平皺紋及細紋，含活性明亮複合物，有效促進肌膚煥膚效果，讓肌膚重現明亮年輕光彩。

適合中性至混合性肌膚使用, 尤其開始出現皺紋、細紋及缺乏光澤的疲倦肌膚.

使用方法:

於塗上精華後, 取適量均勻塗抹於面部及頸部, 或早晚潔面爽膚後單獨使用.

面霜是CREAM狀, 怕對於我的肌膚來講會過潤, 但估不到質地卻出奇地輕盈和幼滑, 我自己也好鍾意這個質感.

搽上面, 容易被肌膚所吸收. 用後, 感覺肌膚多了一層保護膜, 也多了光澤, 無咁暗啞. 而且仲有淡淡的香味, 令人感覺舒緩.

INSTITUT ESTHEDERM重整活膚系列、歲月無痕護理系列由莎莎獨家代理.

產品和資料由品牌提供.

想知道佢地更多資料和最新消息, 可以登入以下網址:

https://www.facebook.com/sasahongkong