佳節來臨, 與朋友聚一聚, 到會方便快捷 - 薈.味

好快又到聖誕節的來臨, 又係時候同朋友聚一聚. 到會是一個不錯的選擇, 今次我地就一試薈味這間外賣店的到會套餐.

佢地一共有三個不同的套餐供顧客選擇, 人數是15份量.

今次我是選擇其中一款套餐, 包括香芒泰式鴨沙律, 煙火雞配凱撒沙律 , 經典瑞士雞中翼, 煙肉卷牛仔腸, 香煎龍脷柳配自家製茄汁, 泰式豬頸肉配香炒時蔬, 日式咖喱雞白飯, 韓式雜錦肥牛炒烏冬, 雜錦海鮮意粉伴白酒忌廉汁, 法式馬卡龍杏仁餅和杯子蛋糕.

香芒泰式鴨沙律賣相不錯, 甜甜地的芒果配上帶點配的鴨, 味道幾夾和醒胃.

另一款沙律是煙火雞配凱撒沙律, 配有醬汁和芝士粉, 可以因應個人喜好而加醬汁和芝士粉, 想清一點可以就咁食, 蔬菜幾新鮮.

煙肉卷牛仔腸所用的腸是質素較高的雞肉腸, 腸較有鮮味, 所以味道較平日那些好食, 這個是我推介的食品之一.

經典瑞士雞中翼是到會不可缺少的食品, 雞翼幾嫩滑, 瑞士汁再濃郁一點會更好.

香煎龍脷柳配自家製茄汁, 龍脷柳本身味道不錯, 但外層的蛋漿比較咸, 所以影響咗魚, 加上茄汁唔夠, 再多一點味道會更好.

泰式豬頸肉配香炒時蔬, 豬頸肉肉質尚算不錯, 唔會過硬, 加上以西蘭花伴碟, 食咗甘多肉類, 要食番一些蔬菜.

日式咖喱雞白飯, 上枱已香味撲鼻, 咖喱汁配白飯是最佳拍檔,

韓式雜錦肥牛炒烏冬, 烏冬幾彈牙, 汁是泡菜對於不太食得辣的我, 真是比較辣, 但幾惹味, 我鍾意食當中的配菜.

雜錦海鮮意粉伴白酒忌廉汁, 試咗一個飯, 一個烏冬, 這個是意粉, 忌廉汁唔會太過濃味, 意粉質感不會太過軟身.

甜品是法式馬卡龍杏仁餅和杯子蛋糕. 這兩款甜品也是自家製. 杏仁餅質感無平日食那些咁煙靭, 口感不錯, 但也不錯.

而杯子蛋糕唔會太甜, 加上蛋糕面沾了閃粉, 幾有聖誕氣氛.