三五知己傾計的好地方 - Dabyida Restaurant and Bar

尖沙咀人來人往, 想揾一個較靜和舒服地方食飯傾計並不容易, 早前, 我就去了位於棉登徑Dabyida Restaurant and Bar食晚飯.

這裡的環境不但有情調, 而且坐位以梳化為主, 坐得舒服, 不論情侶或三五知己也適合.

我地點了蒜香白酒蒸煮鮮藍青口, 自家製意大利雲吞, 燒帶子野菌焗意飯, 香煎吞拿魚扒配薄荷醬燒茄子.

先來個頭盤蒜香白酒蒸煮鮮藍青口.

 

藍青口的肉質尚算鮮甜, 用蒜香白酒煮法能帶出藍青口的鮮味, 若果能夠大隻一點會更好.

自家製意大利雲吞, 我自己對於自家製的食品會興趣大一點, 因為每間店的大廚都有自己對食品獨特煮法.

這個雲吞個皮唔會太厚, 我鍾意在雲吞上灑上芝士粉, 而且中央仲放了一塊芝士, 這個混合雲吞一齊食好夾, 而餡料味道也不錯.

燒帶子野菌焗意飯上枱時已香味撲鼻, 飯軟硬適中, 加上個汁好cream, 剛好和飯完全混合晒. 帶子算鮮味, 不會煮得過硬.

香煎吞拿魚扒配薄荷醬燒茄子, 吞拿魚扒沒有腥味, 魚質幾嫩滑, 我自己最愛食燒茄子和伴菜, 因為夠新鮮.

甜品當然少不了.

心太軟配雪糕, 這個就比較失望, 因為個蛋糕焗耐咗, 完全沒有朱古力醬流出, 幸好朱古力尚算濃郁.

反而意大利芝士餅有驚喜. 有別於平日食開的芝士餅, 當中有朱古力薄片, 估唔到又幾夾.