賣相精緻, 味道不俗 - 初嘗Patisserie Tony Wong蛋糕

蛋糕我相信好多女士也喜歡, 我也不例外, 尤其是賣相精緻的蛋糕更吸引. 一直也想試下Patisserie Tony Wong的蛋糕, 上星期終於有機會, 因為佢地係沙田開咗分店, 非常之方便.

沙田分店仲有堂食, 但我就選擇外賣. 店員服務態度不錯, 唯獨笑容欠奉, 若多一點笑容會更親切.

我買了兩件蛋糕. 一件是車厘子拿破崙. 另一件是海鹽朱古力蛋糕. 兩件賣相都好精緻.

原來海鹽朱古力蛋糕是即買即整. 而且要兩個鐘內進食, 車厘子拿破崙就要即日食. 蛋糕要買咗一個鐘內放番入雪櫃.

盒內放有乾冰, 保持蛋糕凍.

先試下車厘子拿破崙.

食拿破崙最重要是酥皮要脆, 好多時買回來的拿破崙, 酥皮都是偏向淋, 過咗氣. 但這個酥皮好鬆脆.

中間的吉士又夠滑, 而外面幾粒的車厘子帶點酸, 所以好夾.

海鹽朱古力蛋糕外層是一條條脆脆的朱古力.

內裡的朱古力蛋糕有好濃郁的朱古力味, 這是用黑古力, 所以特別香濃, 蛋糕的質感是較硬身, 對於超愛朱古力的我, 這件蛋糕真是啱晒我.

以四十多蚊一件蛋糕來講, 的確是較為細件.