情調不錯的地方 - 西沙茶座

住係沙田咁耐, 我是從未去過西沙茶座食飯. 早前好開心首次去食晚飯. 這裡的情調不錯~

西沙茶座是食印泰菜.

坐低後, 先奉上小食一碟.

今次我地點了印式蒜茸烤餅, 豬和雞沙嗲串燒, 馬拉盞炒雜菜, 蝦醬炒飯.

豬和雞沙嗲串燒每款各三串, 豬和雞串肉質唔會過乾, 幾嫩滑, 味道調教得不錯, 想更惹味可以再點上附上的醬.

印式蒜茸烤餅一上枱已經聞到好香的蒜茸, 而且仲熱辣辣. 就咁食已經好好味.

蝦醬炒飯, 又是較濃味的食物, 飯炒得幾乾身, 每粒飯都分開, 唔會痴埋痴埋, 幾有口感, 稍為嫌不夠蝦醬味, 再多一點會更好味.

食了肉類菜式, 也要點一碟菜中和下, 我地點了馬拉盞炒雜菜, 有微微的辣, 幾醒胃, 好啱依加悶熱的天氣食.

一邊食, 一邊傾計, 又無人趕, 真係幾寫意.