我要食到『番本』 - 番本日式放題

較早前去咗食日式放題. 一直都愛食日本菜, 今次是首次來番本食日式放題. 究竟我可唔可以食到『番本』呢?

這裡的放題咗四個時段, 每個時段收費也不同, 任君選擇.

另外, 可以每位加五十蚊轉為任點以下的升級菜單, 並在枱上放上一張星形圖案的咭以作識別.

這裡有不同種類的食品供客人選擇. 即使我唔食生嘢, 選擇也不少.

我地就點了羊架, 忌廉藍煮青口和日式蟹粥.

朋友愛食刺身, 所以點了特大赤蝦, 帶子和北寄貝刺身.

各款刺身夠新鮮, 其中以赤蝦最得朋友的歡心, 而且真係好太隻, 長度更稍為長於手提電話.

藍青口的分量也不少, 用忌廉煮好配合, 只是略為咸少一點. 煮的時間也算剛剛好, 青口唔會過硬.

蟹粥的粥身也算有蟹味和杰, 不會太稀.

朋友話羊架好味道, 肉質不錯.

我地點了其他食品, 先飲個湯先, 湯就一般, 可飲或唔飲.

接着就點我最愛的天婦羅和炸物.

天婦羅最重要是炸漿不可太厚和夠鬆. 這裡的天婦羅便是薄漿, 唔會食入口全是炸漿粉.

由於是新鮮炸出來, 所以特別好味, 當中有蟹柳, 海中蝦, 南瓜, 蕃薯…最特別是有糖心蕃薯, 我未食過, 佢細細粒, 又甜.

炸物款式也有好多, 我地選擇咗其中數款.

手卷當然不少得, 有我最愛的軟榖蟹和海鰻手卷, 上枱時, 紫菜是還是脆, 所以要即時食.

也點了壽司, 款式都有成十款, 我地點了黑松露三文魚, 王子, 火炙三文魚等, 味道也不錯, 若手卷和壽司二選一, 我自己會揀手卷.

刺身是不少得. 朋友點了三文魚, 吞拿魚等數款, 佢話夠新鮮, 當然是升級版的日本赤蝦最吸引.

我愛食海洋, 也點了酒煮蜆, 煮帶子, 焗蠔和燒海中蝦.

其中特別愛芝士焗蠔, 上枱時已香味撲鼻. 而蝦肉質也算不錯, 幾彈牙.

來這裡要一試日式牛柳粒, 入口幾鬆軟, 味道適中. 鯖魚和炒雜菇也不錯.

其實已經好飽, 但我地也點了一個火鍋. 個火鍋好豐富, 有牛肉, 各款的蔬菜.

這一餐真的好豐富呀, 真係食番夠本.