初嚐千鍋居

天氣寒冷, 食飯也會選擇打邊爐. 一直都想試下千鍋居, 較早之前終於有機會去食一次.

除了打邊爐外, 也有小菜食.

這裡都有唔少湯底選擇, 最後我地揀咗健康珍菌豆腐鍋. 食物未來之前, 當然要試下個湯底. 個湯好甜, 忍唔住, 要飲番碗先得.

對於我來講, 打邊爐的醬料是好重要, 因為我自己好鍾意混醬. 這裡有各式各樣的醬料, 有成差唔多二十款選擇, 必能混出啱自己口味的醬料.

這就是我的醬料.

醬料和湯底預備好, 食物也陸續上枱.

打邊爐牛時必點食物, 今次點了特級手切肥牛. 色澤都幾靚, 配合這個湯底, 牛肉味唔錯, 幾鮮味.

另外, 也點了桶蠔和蚌, 蠔都幾大隻.

我地也點了手打四寶丸和手打墨魚滑. 因為是手打, 所以較為彈牙.

友人鍾意食田雞, 所以點了, 但我自己就唔食. 也點了響鈴卷, 這個的豆味尚算濃郁.

自家制的鮮蝦雲吞和豬膶, 味道也不錯.

總括來講, 這裡的食物質數不錯, 只是分量細碟了一點. 聽說這裡的小菜味道也不錯, 下次有機會要試一次.