每一次MAJOLICA MAJORCA推出新的產品, 我也好期待. 最近佢地推出咗全新的Psychedelicious系列, 其中包括睫毛液、柔啡睫毛眉彩和閃啡眼線筆.
先簡單介紹下這三款產品~
Lash King 睫毛液 - 全新柔啡色調 BR666 (HK$158/ 6g )
結合MAJOLICA MAJORCA史上最長5mm 羽絨纖維, 塑造激長, 豐盈, 超濃密效果. 而且持久防水防油, 睫毛液整天保持鬈翹. 而且是360度魔法捕睫刷頭.
柔啡睫毛眉彩 - 粟子啡 BR555 (HK$98)
輕輕一掃, 瞬間為眼眉, 睫毛染上柔和啡調, 配合髮色和彩粧, 隨自己喜歡造型. 除咗粟子啡外, 還有蜜糖啡.
柔滑霜狀眼線筆 – 閃啡色 BR677 (HK$88)
未化妝前先影一張相先~
我本身條眉都可以, 只要眉中間有缺口, 平日多用黑色眉粉, 今次首次用啡色眉彩, 搽咗後, 效果好不同呢~
之後, 就是搽眼線, 這個我最弱, 唔係好識得怎樣去畫, 而這支眼線筆比我想像中易控制和使用. 除咗上眼線, 下眼線我也有畫, 由眼尾畫, 大約畫三分之一.
而今次我就用咗Jill Stuart的四色眼影, 係紫紅色為主.
最後就塗上睫毛液, 一直以來, 我只是用黑色的睫毛液, 今次試用啡色, 我自己都接受到. 而且塗完後, 睫毛變得纖長, 濃密.
說真, 自己的化妝技巧真係一般, 而且也偏外清淡自然的妝容. 今次也是首次化啡TONE妝容, 之前也擔心未能興自己髮色配合, 但估唔到出來的效果不錯, 好自然, 好切合自己偏愛淡妝, 但又能突出眼部, 俾人一種好精神的感覺.
沒有留言:
發佈留言