愛食火鍋的我, 早前又出動. 今次我地去了位於銅鑼灣的醉翁亭食火鍋，全由我地被這裡推出無限時任飲任食海鮮火鍋所吸引, 對於鍾意一邊食嘢, 一邊打邊爐的我地, 無限時係非常重要.
除了數十款的火鍋配料任食, 飲品任飲外, 每位客人有一份海鮮拼盤，極級牛頸脊，至尊水餃皇，刺身拼盤和蠔皇扣鮑魚.
價錢方面, 星期一至四$268, 星期五至日和假期前夕$298, 每晚9點入座, 更有8折優惠.
湯底我地選了鴛鴦, 一邊是芫茜皮蛋, 另一邊是沙嗲.
刺身拼盤.
我唔食生嘢, 所以無食到.
蠔皇扣鮑魚.
我就先食熟食.
鮑魚幾有彈性, 唯獨是凍, 唔夠熱.
海鮮拼盤.
種類也有不少. 海鮮幾新鮮.
極級牛頸脊.
牛頸脊色澤靚, 脂肪分怖平均.
我係要食全熟的牛肉, 但肉質仍然保持嫩口, 唔會覺得硬和乾身, 牛味幾濃.
至尊水餃皇.
這隻水餃果然夠大粒, 材料相當豐富.
其實食了這些, 我已經包了大半.
但愛食丸類的我, 也夾了好幾款丸.
這裡丸的款式有好多, 啱晒愛食丸的人.
我也鍾意這裡的碟的設計, 分開一格格, 不用混在一齊.
食火鍋, 我一定要點響鈴.
佢吸收晒湯的精華, 特別好味.
由於不限時間, 可以慢慢食, 不用急, 也不怕趕住食, 傾唔到計.
