葡式香辣燒雞配薯條椰菜沙律 @ The Grill Room

上星期去了位於銅鑼灣的The Grill Room食晚飯.

入到店內被安排坐在高檯.

這裡有晚餐選擇，款式不太啱，所以我揀了單點.

我點了香煎帶子配南瓜沙律.

平日多食凱撒沙律，這個較少食.

帶子本身不是全熟, 由於我不食生野，所以特別要求.

即使全熟，帶子也不會太硬和乾.

估唔到帶子和南瓜也幾夾, 這個南瓜烤得幾腍身, 但略為烤得黑咗一點.

南瓜本身無乜味道，所以這個沙律幾清新.

主菜點了葡式香辣燒雞配薯條椰菜沙律.

燒雞份量都幾大碟.

雞肉幾嫩滑，不會太乾身.

對於愛食濃味的我，調味再多少些會更好味.

這裡的薯條是粗身, 我自己鍾意食粗身多於幼身, 因為口感較佳, 而且薯味也相對較為突出.

齋食雞肉也會有點油膩的感覺, 所以配菜好重要, 這個椰菜沙律夠新鮮, 蔬菜可以起中和作用.

飯聚 @ Coffee Jobs

早前相約一排無見的朋友出來食飯聚一聚，我地選了位於旺角的Coffee Jobs.

不好被店名誤導，這些不只飲咖啡，仲有各款咸食和甜品.

我鍾意這裡的碟, 每一隻也不同.

飲品點了我最愛的特濃熱朱古力.

杯朱古力拉花也好靚.

我自己鍾意飲濃味的朱古力，這杯正合我心意，味道夠香濃，又夠滑身，但不會過甜.

小食點了雙式芝士焗薯條.

芝士較少，只有部份薯條沾有芝士.

其餘同平日食的薯條無分別，我需要另點茄汁，這個略為失望.

主菜我點了美式三重芝士漢堡.

上檯時賣相也不錯.

由於我不食生野，牛肉要全熟. 雖然全熟，但不算硬和乾，還有些肉汁，而牛肉味算可以.

牛肉與芝士是好夾，入口多了一份芝士香味.

本來想一試這裡的甜品，但原來甜品餐牌的款式要晚上九點後先供應，唯有試下有供應的紫薯芝士撻.

一切開個撻，內裡滿滿是紫薯.

外層穌皮夠鬆化，而入口充滿紫薯的味道，甜度適中，唯獨不太覺有芝士.

榛子朱古力蛋糕 @ Black As Chocolate

早前好友新居入伙，我地決定買個生日蛋糕上佢屋企，我就決定到Black As Chocolate買蛋糕.

我去了位於九龍城分店，我由沙田搭一程巴士便到，非常方便.

款內有幾款口味，最後我選了榛子朱古力蛋糕.

餐具可以選擇天使匙或魔鬼叉，我選了魔鬼叉，覺得可愛一點.

盒底有一格用來放餐具.

包裝方面也很講究，一共有五款顏色絲帶選擇，我選了黃色.

若想要埋透明袋，就另外加$20.

店員取出蛋糕, 即時在蛋糕面灑上薄脆.

去到朋友屋企，第一時間拎出蛋糕.

 

蛋糕足夠五六個人分來食.

切開後，見到一層海綿蛋糕夾著一層朱古力榛子醬.

海綿蛋糕幾鬆和軟綿綿.

而朱古力榛子醬夠滑身，又香濃，原來當中更混入薄脆，雙重口感.

食得較甜的我，這個蛋糕甜度啱晒我.

香煎日本A5和牛扒 @ I's land Cafe

近年越來越多食店在工廠大廈營業，觀塘是其中一個熱門地區，早前就跟在觀塘返工的友人去覓食.

佢帶我去了位於駱駝漆大廈的I's land Cafe食晚飯.

店內怖置以綠色為主，綠油油，感覺似花園，令人感覺放鬆.

這裡有晚餐，當中包括餐湯，主菜和餐飲.

最後我選了香煎日本A5和牛扒.

當日餐湯是忌廉磨菇湯，個湯尚算滑身，入口時有淡淡的磨菇味.

另外，我地也點了小食.

水牛城雞翼.

個汁只是微微辣，啱晒不太食得辣的我.

雞翼也嫩滑，不會太硬和乾身.

巴馬火腿白酒芝士釀大啡菇.

大啡菇幾厚身，也多汁，若大隻一些更好味.

略為不太足夠芝士，味道不夠.

巴馬火腿配大菇幾㚒.

主菜出場.

由於我不食生野，這個和牛扒我要了全熟.

對於我來講，和牛肉質完全不硬, 牛味也濃郁.

一份四安士，一個人食份量還可以.

而飲品我點了熱水蜜挑花茶.

花茶好大壺，相比其他食店大，但對於我味道較淡，我鍾意濃一些.

炭燒鮫魚 @ 爵樂印度餐廳

上星期日去了爵樂印度餐廳Gaylord Indian Restaurant食晚飯.

店內怖置充滿印度風情.

坐下後，店員先奉上胡椒脆餅，並配上兩款醬汁.

我自己鍾意加上少許薄荷醬，入口脆卜卜，又充滿胡椒味的薄脆，兩者好㚒，非常醒胃，好適合餐前食.

我地點了炭燒鮫魚和招牌烤春雞半隻.

上檯時已香味撲鼻.

由於用鐵板上，能夠保持熱度的時間較長.

炭燒鮫魚.

平日較少食鮫魚，這個魚肉質也算嫩滑，仲啖啖肉，啱晒怕骨的我.

入口時也多了一份好香的香料味道, 而且味道調教適中.

招牌烤春雞半隻.

半隻雞分開兩件，我那件是雞脾，肉質還可以.

而友仔那件是雞胸，肉質略為乾身左一些，但可以接受.

相對鮫魚, 這個味道較濃味.

再點了一個鑊仔洋蒽紅茄燴鮮蝦.

蝦肉算彈牙，個汁帶點酸酸甜甜，幾醒胃.

食印度野,我必點烤餅，今次選了蒜蓉烤餅.

上檯已聞到好香蒜蓉味，入口帶少許微脆，就甘食已好好味.

也可以點汁，我用上蝦那個汁，用來點烤餅一流.