首次接觸reskin EGF 平衡舒緩精華液

踏入轉季的天氣, 肌膚也會受到影響, 需要選擇相對的護膚品去改善情況. 今次試下來自韓國品牌reskin新推出EGF Bomber EGF 平衡舒緩系列.

當中蘊含豐富表皮生長因子(EGF), 加強肌膚的天然防禦能力.

此系列有效鎮靜及舒緩肌膚問題, 促進表皮細胞再新, 對抗因環境或年齡增長對肌膚造成的損害, 使用後肌膚變得緊緻透亮、健康活力.

適合敏感、油性、痘痘肌膚使用.

我會試用EGF 平衡舒緩精華液.

精華液蘊含表皮生長因子、甜沒藥、尿囊素、三氯生，強化肌膚屏障, 促進身陳代謝, 撫平細紋、紓緩痘痘、淡化印痕, 用後肌膚感覺緊緻有活力.

產品是韓國製造, 有品質保證, 可以放心使用.

精華是GEL狀, 質地清爽. 搽上面易推開, 好快就被肌膚吸收.

而這精華是適合暗瘡肌膚使用, 所以我可以放心使用, 暗瘡位置也照搽.

用咗這款產品差唔多十日, 肌膚是柔軟咗, 至於舒緩暗瘡就未見到好明顯效果, 因為本身的暗瘡也是石頭瘡為主, 我相信要用長一些時間才見到更佳的成效.

Reskin產品在莎莎發售.

產品由the Ztyle 提供.

一支馬油, 用途廣泛 - 日本藥師堂尊馬油和液狀特製尊馬油

近年市面上有不同牌子的馬油推出, 用途廣泛, 今次就試下來自日本藥師堂的尊馬油.

佢分為液狀特製尊馬油, 性質較清爽和尊馬油, 性質較滋潤.

它是100% 純正日本馬油, 此產品使用純馬油是由馬匹脂肪經過真空蒸氣提煉而成, 沒有任何添加劑.

適合不同皮膚使用, 包括低敏度, 孕婦及嬰兒適用.

使用廣泛, 可用於不同位置.

1.     面部

早上洗臉後, 於乾淨濕潤的臉部塗上豆形大小的份量, 雙手打圈均衡地塗上, 5分鐘後塗上化妝品, 更容易上妝, 妝容更為貼服.

晚上洗臉後, 於乾淨濕潤的臉部塗上豆形大小的份量, 雙手打圈均衡地塗上.

2.     唇部

用於唇部及其他面部位置有效防止乾燥爆裂, 肌膚時刻滋潤.

3.     雙手

每天塗上, 有效防止乾燥爆裂, 特別建議於烹調、清潔等勞動工作前塗上,以保護雙手, 防止染上手部皮膚問題. 洗手後, 塗在乾淨雙手, 加以按摩.

4. 頭髮和頭皮

洗髮前: 在乾髮塗上一層馬油, 慢慢按摩, 待20分鐘後如常洗髮, 有效保護髮根及頭皮, 防止頭皮屑.

洗髮後: 在濕髮塗上一層馬油, 讓它自然乾透, 有效防止頭髮開义, 令頭髮回復健康柔潤.

5. 身體

洗澡後, 在乾淨肌膚塗上, 特別適用於手肘、膝蓋、腳底等容易乾燥爆裂部位.

處理受傷部位, 可配合繃帶膠布一同使用.

6. 孕婦和嬰兒

產品乃100%全天然馬油, 沒有任何添加劑.

適合孕婦、餵哺母乳的孕婦及嬰兒.

特別適用於嬰兒敏感肌膚, 不會造成過敏.

懷孕期間用於肚皮上, 有效防止妊娠紋.

產品是日本製造, 有品質保證, 加上沒有任何添加劑, 可以放心使用.

我會分開兩款質地的馬油使用不同位置.

對於暗瘡肌的我, 液狀特製尊馬油, 性質較清爽.

我會用在面上. 由於我極少用油, 最初我會混入乳液中一齊使用, 習慣後, 就會直接搽上面. 感覺多咗一層保護膜.

另外, 質地較潤身的馬油, 我會搽在雙手和身體. 依加冬天天氣好乾燥, 雙手好容易燥裂, 可以搽上馬油, 以防乾燥. 我也會在沖涼後搽於全身, 用咗幾日, 肌膚滑咗, 細緻咗和減少痕.

至於手肘, 膝蓋等的位置, 我會在沖涼時先用磨砂除去死皮, 再搽上馬油, 肌膚變得更柔軟.

產品由the Ztyle 提供.

想知道更多佢地的最新消息和優惠, 可以登入以下網址:

https://www.facebook.com/#!/Yakushido.horse.oil

分享自己點滴 - 全新面貌Gooodapple

隨着智能手機大行其道, 好多人也喜歡隨時隨地將自己的點滴放上網同人分享. 依加又多一個平台讓大家分享相片 – Gooodapple.

只需要幾個步驟便可以註冊成為會員.

首先, 登入Gooodapple網址

http://www.gooodapple.com

之後, 就按註冊成為會員.

再填寫簡單資料.

註冊完成後, 可以登入網址, 按會員中心填寫個人資料和上載Profile picture.

接着, 就可以隨時分享相片.

可以選擇上載造型照或戰利品相片.

再跟着指示步驟做便可以.

使用非常簡單, 大家也來註冊.

http://www.gooodapple.com

悠閒下午 - UCC Coffee Shop

難得放假, 我也會相約朋友行下街. 較早前, 行完街就同朋友食番個下午茶休息下.

今次我地揀咗UCC. 這裡的下午茶餐都有不少選擇.

朋友就點了朱古力蛋糕, 而我就點了炸魚三文治.

朋友話蛋糕不會過甜, 佢是千層蛋糕, 中間的忌廉好滑身.

而炸魚三文治一上枱已經香噴噴, 好吸引呢~ 魚外脆內滑, 配合埋蕃茄和蔬菜就啱啱好.

另外, 我地仲叫了一個蒜蓉條, 佢是好脆身, 加上蒜蓉好香, 真係食唔停口.

來到UCC, 一定要飲番杯熱咖啡, 我自己鍾意多奶, 而這裡的牛奶特別香和滑, 飲埋咖啡就好完滿.

就這樣傾下計, 食下嘢, 過一個悠閒下午.

一盒面膜多款用法 - PeterThomasRoth 青瓜舒緩保濕面膜

平日一有時間就會敷面膜, 但踏入冬天, 天氣寒冷, 尤其這幾日天氣咁凍, 真係唔想將凍冰冰的面膜敷上面. 若果面膜是暖就無這個問題. 來自PeterThomasRoth 的青瓜舒緩保濕面膜就可以.

暖敷：

將適量面膜放於器皿內, 再放在暖水上加熱, 暖和後便可敷面, 在冬天更容易吸收.

敷上面是微暖, 感覺舒服, 敷完後, 肌膚即時水潤咗, 好啱依加的天氣用.

除這方法外, 仲有其他4個不同的用法, 可以因應肌膚的需要去選擇.

厚敷：

可厚敷約半吋, 加強補濕功效, 能有效急救缺水皮膚.

這個方法我也會間中使用, 因為我的肌膚缺水, 這樣可以用來急救.

敷眼：

可薄薄塗於眼下位置, 改善眼部浮腫及細紋的問題等.

早上起來, 可以這樣敷, 眼部無咁浮腫, 上妝也貼服些.

冷敷：

把面膜存放雪櫃後使用, 可鎮靜、抗炎及舒緩敏感肌膚.
睡眠面膜：

在睡前塗上薄薄的面膜, 能加速肌膚復修, 幫助肌膚組織再生.

依加PeterThomasRoth出咗聖誕禮品套裝. 當中除了皇牌產品青瓜舒緩保濕面膜(150g), 還有洋甘菊舒敏潔面乳(57ml)、草本植物磨砂(57ml)、MEGA-RICH身體護理旅行裝(沐浴露、潤膚乳、 洗髮乳和護髮素)

建議零售價:HK$530.

產品和資料由品牌提供.

想知道更多佢地的最新消息和優惠, 可以登入以下網址:

https://www.facebook.com/PeterThomasRothHKOfficial

又一個聚腳點 - Greyhound Cafe

較早之前去過位於IPF的Greyhund Café食晚飯, 上星期就去咗佢地係新世紀廣場新開的分店食飯, 這個位置較方便.

今次我地點兩款小食, 包括意大利肉腸芝士餡餅和軟殻蟹沙律配蜜糖芥末醬.

意大利肉腸芝士餡餅上枱是熱辣辣, 外面脆, 內裡的肉混合芝士, 好惹味, 加上有一點點的辣, 幾醒胃, 若再多一點芝士就更好.

軟殻蟹沙律配蜜糖芥末醬賣相吸引, 因為軟殻蟹好大隻. 軟殻蟹夠脆, 配上菜就中和咗, 唔會太熱氣.

飲品我點了藍蘭豆甜菊茶, 這個好啱依加天氣飲, 夠潤喉. 最特別是茶是藍色, 我也是首次飲藍色的茶, 當加入蜜糖會變成紫色, 飲到最後就變成深紫, 好特別. 而且加咗幾次水, 味道依加濃郁.

主菜我地點了鮮蝦炒金邊粉, 泰式銀魚柳意大利麵和泰式河蝦冬蔭公湯河粉.

由於我唔多食辣, 所以無試泰式河蝦冬蔭公湯河粉. 朋友話不錯, 這個冬蔭公湯偏向酸性多一點, 蝦也幾大隻.

鮮蝦炒金邊粉好味道, 除了蝦也算彈牙, 味道調教不錯, 金邊粉夠乾身, 麵身軟硬適中.

而泰式銀魚柳意大利麵中的蕃茄醬幾濃, 只係魚柳的分量略為少咗一點.

甜品當然不可缺少, 朋友點了野莓千層蛋糕, 而我就點了新鮮椰子千層蛋糕.

野莓千層蛋糕賣相靚, 朋友話唔會太甜, 加上配了野莓, 酸酸甜甜, 好啱飯後食.

新鮮椰子千層蛋糕可以話一試愛上, 這款蛋糕我是首次食, 忌廉好滑身, 而且中間是新鮮椰子, 好香, 又有口感. 而且椰子分量也不少. 又唔會太甜. 鍾意食椰子的朋友一定要試下.

卧虎藏龍, 好味私房菜 - 九龍城名廚小館

一直都知道九龍城食店林立, 但始終無乜機會去試下. 早前終於有機會啦~ 今次去了名廚小館食晚飯.

入到店內, 同茶餐廳無太大分別. 誰知道晚上搖身一變為私房菜. 私房菜我也是首次食, 所以特別期待.

先來數款前菜小食, 包括避風塘茄子拼軟軗蟹, 鮑魚汁鳳爪, 日本芥末雲耳, 金磚一口豆腐和蝦醬排骨仔

其中最特別是日本芥菜雲耳, 本身鍾意點芥辣, 但無想過可以配搭雲耳一齊食, 雲耳夠爽, 若芥辣再多一點就更好. 蝦醬排骨仔幾惹味.

避風塘茄子拼軟軗蟹和金磚一口豆腐是香口小食, 軟軗蟹夠香脆, 而豆腐就內嫩外脆.

接着, 就是主菜出場.

先來一個貓砵酒加拿大桶蠔, 一上枱已被吸引, 因為隻蠔好大隻, 啖啖肉, 脆漿唔會太厚, 蠔味夠.

金蒜銀絲蒸元貝皇, 元貝大隻新鮮, 用蒸的煮法好鮮味, 粉絲更吸收晒精華.

麥片黃金海中蝦幾特別, 蝦唔算大隻, 但夠彈牙. 脆漿是麥片混入牛奶, 所以食的時候有淡淡的牛奶, 而麥片是較粗身, 配合蝦時有兩種不同口感.

海龍皇吐珠賣相好細緻, 每個蕃茄加入龍蝦肉, 剛食完較濃味的蝦, 食這個餸就能中和.

平日食鮑魚主要以清蒸或煮的方法, 椒鹽鮑魚我都是首次食. 這樣入口較惹味, 但內裡又保持鮮味.

這個水煮海龍躉好吸引, 我就只食魚, 個魚好滑呀, 由於沒有加入湯, 所以只有少許辣, 我可以接受.

接着, 這個是我最期待的菜式, 沙參玉竹豬肚包雞. 本身鍾意飲湯, 而這個湯是加入胡椒, 好香, 我鍾意胡椒的辣味. 這個可以說是功夫菜, 豬肚包着雞, 到上枱時才剪開.不用說, 個湯好濃, 好好飲, 因為煮咗成7小時. 雞好滑. 飲完第一輪精髓, 就加入清湯, 用來煮菜.

再來是黑醋炸蛋雞和南瓜四寶盅. 隻蛋表皮是脆, 因為是炸過, 雞也好入味. 而四寶菜沾滿了南瓜蓉.

最後, 就是黑白泡飯. 上枱時無咩特別, 但之後加入炸咗的脆米, 而湯底是龍蝦湯, 好鮮味, 入口雙重口感.

食到咁飽, 當然要食番甜品和水果. 芒果糯米滋, 糯米夠煙靭, 芒果也算甜. 水果是火龍果和菠蘿.

這一餐私房菜真的好滿意, 大家有興趣也可以一試, 以後到九龍城可以多一個選擇.

為肌膚注滿水份 - Neogence 玻尿酸深度潤澤化妝水

踏入冬天, 肌膚好乾燥, 所以要加強在保濕這一環. 一早已試過Neogence這品牌的產品, 今次可以試到佢地的皇牌系列玻尿酸深度潤澤化妝水.

Neogence玻尿酸深度潤澤化妝水

針對乾性至極乾性肌膚所研發, 增量1.97倍保濕精華, 雙分子玻尿酸及天然海藻醣能深度潤澤角質, 提升肌膚水分吸收量.

添加獨特的抗旱鼠尾草萃取XeradinTM, 含大量的類黃酮素、胺基酸以及保濕醣分, 強化肌膚補水機能, 幫助肌膚快速補滿水分, 使肌膚長時間維持潤澤涵水狀態, 舒緩乾荒肌膚的缺水問題, 並能提升後續有效成分的吸收.

成分單純, 不含酒精, 低刺激.

使用方法:

將化粧水倒在手掌中或化妝棉上, 以輕拍、掌捧的方式讓肌膚吸收

這款化妝水質地不是水狀, 帶點杰身.

我是取適量化妝水, 直接用搽在面上, 再加以輕按幫助吸收. 它好快被肌膚所吸收.

由於我面頰位置特別乾, 我會取化妝棉, 加入化妝水將之完全浸濕後, 再敷上去.

敷完後, 肌膚即時水潤咗, 多咗彈性, 之後上粉底會更貼服, 減少脫妝的情況.

未敷之前, 水份和細緻度只有3, 油份是5, 敷完後, 水份和細緻度即時提升到5, 油份就減到去2.

Neogence產品在莎莎有售.

產品和資料由品牌提供.

想知道更多佢地的最新消息和優惠, 可以登入以下網址:

https://www.facebook.com/sasahongkong

初接觸FACEMATTER 活肌抗皺面霜

隨着年紀漸大, 需要使用一些含有高效活膚成份的護膚品, 今次首次接觸FACEMATTER Skin Therapist Age Renewal Cream(活肌抗皺面霜).

 

FACEMATTER由擁有超過15年臨床經驗、集合資深皮膚醫生團隊所打造的醫學護理品牌, 其配方於瑞士製造.

Skin Therapist Age Renewal Cream活肌抗皺面霜

蘊含高濃度活膚配方, 質感豐厚絨滑, 全面促進肌膚細胞更生, 增強肌膚彈性及密集緊緻度, 顯著撫平皺紋及瑕疵, 強化肌膚抵抗力, 令受損皮膚修復再生, 抵禦環境及壓力的侵害.

成分：

棕櫚酸維他命A – 減淡皺紋及細紋, 緩和蛋白質分解, 促進細胞更新, 提升皮膚彈性和緊緻度

異構寡糖、精氨酸 – 舒緩繃緊的乾燥肌膚, 提高角質蛋白鎖水能力, 回復柔滑肌膚

甜沒藥、紅藻 – 抵禦環境及壓力的侵害, 啟動肌膚自我修復能力

橙花 – 舒緩緊張脆弱的肌膚

瑞士冰川水 – 蘊含高度保濕的豐富礦物及微量元素, 為肌膚注滿水分，賦活每個細胞, 令肌膚倍添光釆與健康膚色

使用方法:

取適量面霜輕輕從下向上塗抹及按摩於全面，直至完全吸收。

首兩週可每隔三天晚上使用一次, 若皮膚適應良好, 接下來的兩週可增至每隔兩天晚上使用一次.

若皮膚沒有不適, 接下的一週可以隔晚使用, 再逐漸改為每晚使用, 勿抹塗於眼部及頸部.

產品是泵型設計, 每次只需要泵一至兩下便可, 使用方便.

面霜的配方是由瑞士製造, 有品質的保證, 絶對能安心使用.

面霜質地是cream狀, 初時怕太潤身, 但搽上面又剛剛好, 好啱依加的天氣使用.

近排我的肌膚狀況唔多好, 面上出多咗暗粒和暗瘡, 也怕不太適合我現時的肌膚使用, 最初兩日用的分量大約一泵, 肌膚習慣咗, 無出現問題時, 我就用兩泵左右.

當然未咁快見到明顯的效果, 但搽完後, 肌膚即時覺得飽滿咗, 乾紋無咁明顯.

全線產品在Harvey Nichols有售.

產品和資料由品牌提供.

想知道更多佢地的最新消息和優惠, 可以登入以下網址:

https://www.facebook.com/#!/facematter