輕鬆的一晚 @ Jerry Maguire

上星期四晚心情特別開心, 因為三日假期即將開始, 所以假期前夕就去了位於銅鑼灣的Jerry Maguire飲嘢.

店內的氣氛和情調也不錯, 不論三五知己或情侶也適合.

我自己好鍾意佢地的吊燈, 幾特別.

飲品除了有Cocktails外, 當然也有Mocktails, 即使不飲酒的我也有選擇.

最後, 我點了Mocktails版的Alice in Wonderland.

上枱時已被賣相所吸引, 顏色又靚.

這杯飲品主要是薄荷葉, 菠蘿汁, 接骨木花, 而在飲品面更灑上朱古力粉.

薄荷葉味道好突出, 菠蘿味相對無咁勁, 味道非常清新, 令人感覺舒服, 好適合夏天飲.

細心留意一下, 發現飲品面放了一粒好蘑菇型的蛋白餅, 甜度適中. 清新中, 多了一份甜味.

這裡還有Cocktails版的Alice in Wonderland.

兩者最大分別是Cocktails版飲品面多了一個糖膠和金箔做裝飾, 即時高貴咗, 感覺截然不同.

這杯真係靚到唔捨得飲.

始終是糖膠, 佢會溶, 所以影完相要快快食咗糖膠先.

另外, 也點了一份甜品叫Jerry Maguire Cheesecake Crunch.

賣相好似一幅畫, 上枱時會噴上冷煙, 好有意境.

這甜品主要以忌廉芝士為主, 愛食芝士的朋友啱晒.

這個芝士口感夠軟身和細滑, 質感有點似雪糕.

在芝士面也灑了不少餅碎, 食的時候, 雙重口感.

而在芝士附近放了藍苺和紅苺, 入口帶有甜甜酸酸, 可以起中和作用.