2017年8月30日星期三

櫻花樹下 @ L'attitude

早前係尖沙咀做完treatment, 去了附近的L'attitude食個甜品.

這裡的甜品有不少款式.

最後, 我選了櫻花樹下.

細問下當中有朱古力心太軟和棉花糖配軟雪糕, 兩者我也喜歡食.

由於製作心太軟較需時, 所以我先點了一杯飲品.

點了熱百香果紅茶.


淡淡的百香果味道, 入口幾清新.

櫻花樹下終於上枱.


賣相非常靚和精緻.

粉紅色的棉花糖, 好似一棵櫻花樹.

棉花糖下面是一杯牛奶軟雪糕.


雪糕幾滑身, 牛奶味道算幾濃.

可能我掛住影相, 所以雪糕略為溶了一點.

另一邊是朱古力心太軟.


切開後, 見到朱古力醬慢慢流出.

唯一美中不足是心太軟焗的時候長了一點, 所以朱古力醬偏杰身, 不夠流心.


朱古力味幾濃, 甜度適中.

而中間放了雜莓, 入口酸酸甜甜, 可以起中和作用.


還有不少甜品想試, 留待下次再來.



2017年8月26日星期六

酸菜大盤烤鯇魚 @ 滿堂紅雞煲烤魚特式火鍋

平日甚少去深水埗一帶食飯, 早前在友人的帶領下去了滿堂紅雞煲烤魚特式火鍋食晚飯.

一睇到個名, 就知道可以先食雞煲或烤魚, 之後再打邊爐.

我地選了酸菜大盤烤鯇魚.

等鯇魚上枱時, 可以先拎一些前菜和小食, 這些是任食.

而飲品也是任飲.

我選了咸菜腐竹豬肚.


豬肚幾稔身, 味道也調教不錯.

酸菜大盤烤鯇魚上枱.


條魚好大條, 完全足夠兩至四人食.

配料也相當豐富, 有酸菜, 豆卜, 雜菌.

魚肉相當嫩滑, 對於不是非常鍾意食魚的我, 也覺得不錯.


而配料也不能錯過, 因為全部吸收晒湯和魚的精華.

令我不停食配料.

食完條魚, 基本上都幾飽下.

我地就點了一些配料作為打邊爐.


牛肉一定不能缺少, 我地點了肩胛肥牛.


牛肉切得夠薄身, 即使食全熟的我, 肉質也不會硬.


愛食丸類的我, 也點了黑椒牛丸, 炸海鮮球, 炸魚腐, 包心丸.


仲有響鈴, 完全吸收晒湯的精華.



最後當然要食番一支冰凍的雪條.



2017年8月25日星期五

為肌膚大掃除 - EJG 7%杏仁酸植萃精華液

對於暗瘡肌膚的我, 去除面上多餘角質是重要一環, 今次試了EJG  7%杏仁酸植萃精華液.



EJG  7%杏仁酸植萃精華液
成份和功效:
多種植萃成份, 包括杏仁酸、膠原蛋白、玻尿酸、綠茶萃取液、洋甘菊萃取液、蘆薈萃取液, 能夠促進肌膚新陳代謝, 代謝老癈角質, 通暢毛孔、淨白、明亮肌膚.

使用方法:
潔面和爽膚水後, 3-5滴精華搽在面上, 之後再搽其他護膚品.

適用於任何類型肌膚.
温馨提示:
敏弱膚質如欲選用, 建議請先諮詢皮膚科醫師的意見.

我鍾意佢的泵型設計, 使用時方便又衛生.


精華質地是水潤狀, 相當清爽, 特別適合依加的天氣使用.


取適量的精華, 均勻搽在面上.

質地易推開, 好快被肌膚所吸收.


我會特別在暗瘡印位置搽多一層, 加強效果, 而爆瘡又紅腫的暗瘡, 我會避開.

使用後, 完全不會有痴笠笠的感覺, 也不會覺得乾.

使用期間, 也沒有任何脫皮或泛紅的情況出現.


香港獨家分銷商 我的公主美妝店 My Princess

產品和資料由品牌提供.

想知道更多品牌的最新消息和資料, 可以登入以下網址:
EJG 香港代理



2017年8月23日星期三

呵護雙手無難度 - Cutex 全方位護甲潤膚系列

除了面部肌膚要護理外, 指甲護理同樣重要, 今次試了來自美國Cutex一系列產品.




來自美國Cutex, 係首個推出卸甲水的品牌, 攡有超過100百年研發護甲產品經驗, 產品由卸甲水擴展到全面護甲潤膚系列.

潤甲精華素(Hydrating Cuticle Oil)
3重天然油脂成分, 包括甜杏油, 荷荷巴油和維他命E), 高滲透度, 迅速軟化甲邊皮護和滋潤指甲.



使用方法:
每日塗搽在指甲和甲邊皮膚, 可配合保濕潤手霜使用.

這款精華素是透明, 對於甲邊容易出現倒刺的我, 這個好啱用.


Stained Nail Corrector
防止或改善指甲暗啞和黃甲問題, 達到即時亮白效果.


使用方法:
塗搽在指甲表面, 塗上2, 效果更佳, 可配合潤甲精華素使用.

成日搽指甲油, 易出現黃甲的問題, 所以我會先搽上潤甲精華素, 再使用這個.


這款產品搽完後, 指甲會變成白白地色, 又帶點亮面, 想讓指甲休息時, 我會以這個當作為指甲油.


Brittle Nail Fix
加入海藻精華, 維他命CE, 專業修護指甲斷裂或分層問題, 回復彈性.


使用方法:
每日塗搽在指由表面, 可獨立或作為底油使用, 可配合21護甲甲油和高劾鎖色面油使用.

唔搽指甲油時, 我會單用, 指甲油時我會作為底油使用, 這樣可以同時保護指甲, 一舉兩得.


21護甲甲油
甲油配方含omega 3 油脂, 深層滋潤指甲, 美甲同時強化甲面, 減低指甲受損和變薄



甲油顯色度高, 質感厚實, 配有超光感效果. 若配合極亮快乾面油使用, 更能打造出軟gel 效果.

一共有14款顏色選擇.

今次我試了灰色甲油.


甲油幾出色, 我一共搽了兩層. 我自己多是用帶閃的甲油, 即時搽得唔靚也唔覺, 實色就不是, 好易察覺, 但這款我覺得自己尚算搽得均勻, 也算快乾.



難卸甲油專用卸甲水
專利配方, 達到強力卸甲功效, 難卸的閃粉, Gel甲油, 深色甲油也能輕易和快速卸去.


當中含混合油脂, 性質温和, 更能滋潤指甲.

估不到這個甲水啱好用, 基本上抹幾下便能輕易卸去甲油, 又快又乾淨.

保濕鎖水潤手霜
當中含豐富維他命E, 蜂蜜和植物油脂, 充分滋潤和修護雙手.


快速吸收, 清爽不黏, 更長達24小時持久保濕鎖水.

一共有四款香味.

手霜質地是Cream, 但搽上手後, 易推開, 用後不會太痴笠笠, 也算滋潤.


Cutex全線產品在Watsons 發售.

產品和資料由品牌提供.

想知道更多品牌的最新消息和資料, 可以登入以下網址:
https://www.facebook.com/CutexHK/


'Sponsored Video: SK-II presents 'Unlimited'