2016年9月29日星期四

慢煮十小時澳洲和牛臉頰 @ Bake N Grill


在炮台山工作的我, 平日晚飯聚會的話, 港島區多數選擇銅鑼灣或中環, 甚少去鰂魚涌, 早前在友人提議下, 去了位於鰂魚涌的Bake N Grill 食飯.


這是一間特式小店, 座位不算好多, 但怖置幾幽雅.

這裡有兩款套餐供客人選擇.

一款是意粉餐($250), 任選餐牌的前菜, , 意粉和飲品各一款.

另一款是扒餐($450), 任選餐牌的前菜, , 扒類和飲品各一款.

最後, 我選擇了扒餐. 前菜是凱撒沙律, 湯是傳統焗法式洋蒽湯, 主菜是慢煮十小時澳洲和牛臉頰, 飲品點了熱的黑加侖子黑醋茶.

店員先奉上麵包, 附了有牛油外, 還有自家制的香草醬. 我當然兩款也試下, 香草醬幾特別, 入口多一份清新感覺. 而麵包外層脆身, 內裡鬆軟, 令我食不停口.




凱撒沙律.


賣相相當精緻.

蔬菜夠新鮮, 夠爽脆, 而麵包入口脆卜卜, 再配上煙肉碎, 沙律醬和芝士一齊食, 多重口感.


傳統焗法式洋蒽湯.


上枱已香味撲鼻.

由於是剛焗好, 個湯夠熱辣辣.

個湯面滿怖半溶芝士, 口感夠豐富, 啱晒芝士控的我.


而湯用上牛肉來煮, 飲的時候牛味尚算濃郁, 味道調教適中.

慢煮十小時澳洲和牛臉頰.


我本身係不食生嘢, 所以平日外出食飯甚少點牛扒來食, 但今次見到慢煮和牛臉頰, 我就可以放心去食.

和牛臉頰肉質相當鬆軟嫩滑, 好容易切開, 完全不覺得乾和硬.






而且牛味也幾濃郁, 配上醬汁一齊食, 非常好味.

配菜是薯蓉, 當然也不要遺忘.

薯蓉夠幼滑, 還吸收晒醬汁的精華, 特別好味.

黑加侖子黑醋茶.


我也是首次飲這個咁特別的配搭.


入口感覺甜甜帶少少酸酸, 好適合飯後飲用, 幫助消化.

2016年9月28日星期三

悠閒嘆法國菜 @ Warren

大坑食店林立,早前發現開了一間新店,主打法國菜的Warren,我當然第一時間去試下.


客人可以因應自己的喜愛選擇三道菜或四道菜.

三道菜,頭盤 + /甜品 + 主菜,$330加一
四道菜,頭盤 + + 甜品 + 主菜,$380加一



另外也可以單點, 不過就一定是套餐較抵食.

我選了三道菜.

頭盤是香煎法國鵝肝配芒果甜酸醬,湯是法國藍青口忌廉湯,主菜選了低溫油封三文魚柳配白酒汁,飲品是熱咖啡.

先奉上香煎法國鵝肝配芒果甜酸醬.


賣相精緻.

由於我唔食生嘢, 所以特別要求鵝肝要熟. 入口時味道甘香, 即是熟, 但仍然夠鬆軟.


而配上芒果甜酸醬, 可以中和一下油膩感覺, 兩者也好夾.


法國藍青口忌廉湯.


個湯夠熱辣辣, 啱晒我的要求, 因為我覺得湯夠熱是最基本要求.

湯面放了炸大蒜絲, 我就混入湯一齊喝.


湯質感幾幼滑, 而青口味幾濃, 味道調教不俗.

主菜上枱.

低溫油封三文魚柳配白酒汁.


三文魚柳用低温油封整, 所以魚肉相當嫩滑, 有點入口即溶化的感覺, 剛剛好熟, 時間控制得不錯, 真的較少食到這裡滑身的魚柳.


配菜中的蘿白, 同樣不要錯過. 蘿白軟硬適中, 夠嫩口, 食的時候沒有渣.


最後是熱咖啡.

最特別之處是店員在客人面前沖, 直接滴落杯中.


店員話這款咖啡最好就是齋飲, 我平日飲慣要落奶和糖, 但我也有試下齋飲, 味道真的是較易接受.


試完後, 我還是要落奶和糖.



食物質素很不錯,絕對是性價比高的餐廳.

























2016年9月26日星期一

越式拼盤 @ Le Viet

友人愛食越南嘢, 早前便相約去了位於尖沙咀的Le Viet食飯.

第一個俾我的感覺是好色彩繽紛, 不論椅或是枱上餐具也是不同顏色.


這裡除了有一般座位外, 也有一些高身椅坐.


好多款小食我地也想試, 所以就點了一個越式拼盤, 可以一次過試齊蝦餅, 扎肉蒸粉包, 春卷和豬頸肉.


蝦肉的肉質幾彈牙, 味道調教不錯.


扎肉蒸粉包. 粉包的皮厚薄適中, 內裡的饀幾豐富, 入口帶微微辣, 幾醒胃.


春卷外皮少許脆身, 幾香口.


豬頸肉肉質幾鬆軟, 不會覺得硬和乾身.


跟拼盤附有醬汁, 但我覺得單食也夠味, 所以無乜點醬汁.

另外加多一款我愛食的牛油雞翼.


上枱時已經香味撲鼻.

因為雞翼上放滿了蒜蓉.

雞翼外皮幾脆身, 入口時充滿蒜蓉的香味, 而雞肉夠嫩滑, 雙重口感.


這個菜式本身較為濃味, 但食完不會覺得好油膩.

主菜就是大蝦菠蘿飯.


賣相幾精緻.

蝦肉幾新鮮爽口. 而飯味道是偏向淡少少, 這樣配小食一齊食就好啱.


餐廳唯一需要留意的地方是出菜次序, 這裡的出菜次序有點奇怪, 不是小食上枱先, 反而是飯, 我本身是想以飯來配各款小食, 我為了這樣, 只是食了小許, 等到小食送上枱時, 飯己經凍咗.



2016年9月25日星期日

食得更健康 @ 金腿伍仁月餅 - 金記冰室

今年時間過得好快, 上星期又過了中秋節. 為了應節, 我也會買月餅食. 以前多是選擇蛋黃蓮蓉, 後來月餅的口味越來越多, 上年試過金腿伍仁月餅後就鍾意咗, 今年繼續金腿伍仁月餅, 選擇了金記冰室出品的月餅.

月餅包裝充滿懷舊味道, 而且不是用鐡盒.


一盒有四個月餅, 每一個是獨立包裝.



切開月餅後, 見到用料豐富, 全部是各式各樣的果仁, 當中也混入了金華火腿.

由於全是果仁, 食的時候較有咬口, 充滿果仁香味, 口感十足, 但又會過硬, 而且混入了金華火腿的咸香, 雙重口感.


對於我來講甜度適中, 而且無有蛋黃蓮蓉咁油膩. 果仁較為健康, 比較適合家人食, 可以食得健康一點.



2016年9月24日星期六

扮清糕茶餐廳系列cupcake @ Twinkle Baker Décor

 識我的朋友也知道我鍾意食甜品, 所以發現甜品的新情報也會話我知. 早前從友人口中得知Twinkle Baker Décor推出了扮清糕茶餐廳系列的cupcake.


我當然要去睇下.

這系列一共有八款口味, 我選擇了其中幾款試下.

返到屋企, 急不及待打開來睇睇.


每一款的Cupcake造型都好可愛, 外型全部是縮細版, 好得意, 不論大人或小朋友見到也會好開心.

當中最吸引我的是咸檸七, 或許是我自己鍾意飲吧.


忌廉尚算幼滑, 味道帶有小許的咸咸地, 幾特別. 而蛋糕質感軟硬適中, 最驚喜是蛋糕中間有饀料.

紅豆冰.


忌廉面放了紅豆粒, 食的時候多了一份口感.

我鍾意蛋糕中間放了紅豆蓉, 好配合紅豆冰的主題.

奶醬多.


忌廉面放了多士粒, 可能我不是即時食, 多士粒已經不脆身.

食的時候帶有微微的煉奶味道, 而這款是沒有饀料.


2016年9月22日星期四

飯聚 @ 功德林上海素食

我本身是鍾意食肉, 所以甚少食齋, 但自從認識的朋友當中有人是素食者, 我地出來食飯就必選齋店. 今次我地去了位於尖沙咀的功德林上海素食食晚飯.

未去食過齋之前, 以為齋的款式選擇好少, 無乜好食, 但原來我的想法是錯. 依加菜式的賣相靚, 味道仲好好食.

我地坐下後, 先點了一杯熱的桂圓紅棗茶.


入口有淡淡的紅棗香味, 若味道再濃郁一點, 更好飲.

主菜點了咕嚕肉, 松子黃魚, 冬菇麵筋煲和雜菌煲仔飯.

咕嚕肉.


賣相好似真的咕嚕肉, 其實是用猴頭菇所整.

外皮帶微脆, 內裡幾嫩滑, 味道甜甜酸酸, 好醒胃.


松子黃魚.


魚皮是用腐皮所整成, 內裡是芋頭.

腐皮炸到有點硬身, 幾有咬口, 而芋頭整得夠粉和夠幼細, 口感不俗.


冬菇麵筋煲.


愛食麵筋的我, 當然要點這個煲.

冬菇唔算好大隻, 但味道調教不錯.

麵筋吸收晒冬菇和汁的精華, 所以特別美味. 麵筋口感也不會太硬.

 

雜菌煲仔飯.


食小菜, 我自己覺得與飯是最佳拍檔.

上枱時已經香味撲鼻.

飯面放滿了雜菌, 再淋上豉油.

煲仔飯當中的豉油是相當重要, 多了豉油混入飯中, 提升味道.


這一餐雖然是素食, 但仍然食得好飽好滿足.

值得一讚是店內的職員服務態度非常好, 又夠細心.



'Sponsored Video: SK-II presents 'Unlimited'