飯聚 @ 上海婆婆336

一排無食上海嘢, 上星期去了位於尖沙咀的上海婆婆336食晚飯.

由於我六點幾便到, 所以店內無乜人.

環境幾大, 幾寬闊.

食上海嘢必點336上海小籠包.

小籠包要趁熱食, 上枱後第一時間食.

小籠包皮算幾薄身, 內裡的饀好多肉汁, 夠鮮甜.

小食點了鎮江肴肉.

肴肉次分明, 又夠通透.

肉質帶點咸香, 味道調教不錯.

主菜點了砂鍋雲吞雞, 黃金炒飯和雪菜炒粉皮.

砂鍋雲吞雞.

一鍋份量都幾大 ,足夠兩三位食用.

湯加入了火腿, 所以味道足夠, 而且仲吸收晒雞肉的精華.

雲吞外皮幾薄身, 饀料幾有肉汁, 不算乾身, 可以話皮薄饀靚.

而且雞肉算嫩滑, 好易就能拆開.

黃金炒飯.

上枱時已經香味撲鼻.

飯炒得夠乾身, 每一粒飯都是分開, 不會痴埋一齊.

入口時充滿咸蛋黃的香味, 但又不會覺得好油.

雪菜炒粉皮.

我本身鍾意食粉皮, 除了是冷盤小食, 熱食我也鍾意.

粉皮本身無乜味道, 而雪菜偏向濃味, 所以兩者可以中和一下, 味道不錯.