女生愛甜品 - Next Station Dessert

女生總愛食甜品, 早前就同好友去了位於旺角的Next Station Dessert食甜品.

這裡的甜品賣相好吸引, 真係令人好難選擇.

最後我點了朱古力拿破崙配雲呢拿雪糕和綠茶泡沫.

大愛朱古力的我, 有朱古力必定揀, 平日多食心太軟, 但今日見到這款甜品幾特別, 所以就點了.

上枱時已經被佢的賣相所吸引, 擺得好靚, 好立體.

一塊黑朱古力薄脆, 再夾一件朱古力慕絲, 一共有三層.

朱古力味幾濃郁, 甜度又夠適中, 而蒽絲好香滑, 每層之間塗上少許的果醬, 有點酸酸, 幾夾.

我自己不是特別愛食綠茶, 但見到這個綠茶泡沫材料豐富, 所以想一試.

這個是用杯上枱.

內裡有紅豆奶凍, 草莓啫喱, 綠茶雪糕, 綠茶泡沫和胚芽馬令. 一次過可以試齊咁多款材料, 真是好吸引.

綠茶泡沫和綠茶雪糕的綠茶味算幾濃, 而胚芽馬令幾特別, 我是首次食, 甜甜地.

而最底層就是草莓啫喱和紅豆奶凍, 奶凍夠滑, 這是我最愛食的部份, 而由上至下這裡食, 有多重口感.

下次再來要一試這裡的窩夫.