西營盤覓食記 - 金記冰室

自從港鐵延伸到堅尼地城站後, 在港島區工作的我, 也多到那邊食飯, 早前就到了西營盤的金記冰室食晚飯.

來到冰室, 當然要點一些懷舊食品.

我先點了紅豆冰.

紅豆冰椰子味幾夠濃, 而紅豆也夠軟, 我最怕硬的紅豆, 紅豆份量也不少.

點了這裡出名的馬來西亞咖喱農夫一口包, 餐湯要羅宋湯.

羅宋湯最怕淡而無味, 清如水, 但這裡不但味道夠香濃, 酸中帶點辣, 夠醒胃, 最愛佢夠足料.

農夫一口包上枱已被賣相咖喱香味所吸引.

切開時感覺法包好脆.咖喱夠惹味, 而且牛腩好稔, 又夠入味, 真係食不停口.

而餐飲朋友點了熱奶茶, 佢話味道尚算香濃, 也夠滑.

我地另外點了炸雞脾.

炸雞脾同我平時食開有點不同. 外表不是好脆卜卜. 只有微微脆, 原來先用甜豉油煮好, 再去炸, 所以特別入味, 雞肉夠嫩滑.

食了咁多肉, 點了薯條沙律. 我最愛粗薯條, 入口非常熱, 即叫即炸, 配上沙律一齊食, 就無咁熱氣.

平日較少到這些歷史悠久的地方食飯, 感覺幾新鮮.