我又來趁熱鬧 - 阿利水韓國料理

近年韓風盛行, 不但韓國護膚品在香港越來越受注目, 連韓國食店也越開越多. 一向不是太多韓食的我, 在朋友想食韓國嘢的情況下, 去了阿利水韓國料理食晚飯.

阿利水韓國料理位於尖沙咀厚福街, 所以好方便. 原來這間店是由韓國人主理.

我相信韓國料理最吸引是前菜, 當我地叫咗想食的嘢後, 佢地就拎咗七款前菜來, 擺到成枱都係.

 

由於我唔係咁食辣, 所以我選擇咗一d唔辣的前菜, 全部都好醒胃. 朋友就最愛泡菜.

 

由於我地得兩個人, 所以只點了兩款嘢食. 第一樣是海鮮蔥餅. 個餅唔會太油, 上枱時仲熱, 帶少許辣, 味道不錯. 若果喜歡食辣的朋友, 可以點泡菜餅. 這兩款餅也是這裡的招牌菜.

 

第二樣是牛肉火鍋. 這個火鍋還配有麵和疏菜. 份量夠兩至三個人食. 個湯因為吸收晒牛肉的鮮味和精華, 所以個湯好甜, 最後用來煮麵, 真係一流.

 

除了火鍋, 這裡仲有鐵板食. 因為我地唔想太熱氣, 所以沒有點鐵板.

下次有機會, 我要一試這裡的鐵板.

地址:

阿利水韓國料理

尖沙咀厚福街8號8H 3樓