丸十茶菓子茗茶套餐 @ 中村藤吉本店

尋日經過新城市廣場，無意之間見到中村藤吉本店開左.

感到相當開心, 細問下原來這間是限定店, 只會開去到八月三十一日, 真係可惜.

見到推出了一個丸十茶菓子茗茶套餐.

套餐包括每日從京都宇治直送到港的茶菓子(抹茶或焙茶)和嚴選茶(中村茶/玄米茶/玉露莖茶/玉露茶/煎莖茶/煎茶), 一共有六款茶選擇.

最後選了玉露茶配抹茶味菓子.

玉露茶入口較為清新, 清甜, 唔會太濃, 我自己鍾意依加的天氣飲用.

而丸十茶菓子我是首次食.

今次選了抹茶味.

菓子軟硬適中, 口感不錯. 而抹茶味道尚算不俗, 甜度適中.

菓子和茶相當夾, 起中和作用.