海鮮有機意大利飯和草莓窩夫配草莓雪糕 @ 小蟻人甜品西餐

友人知道我愛鍾意四圍去試新餐廳, 今次佢帶我去了尖沙咀厚福街的小蟻人甜品西餐食晚飯.

這裡裝修幾精緻, 帶點公主感覺, 我相信女仔見到一定鍾意.

坐下後, 店員先奉上芒果雪芭, 幾清新, 好適合依加的天氣食.

接着, 我點了法式香濃青蠔湯和海鮮有機意大利飯, 而飲品點了熱莫卡咖啡.

愛食蠔的我, 見到有青蠔湯就想試下.

我自己鍾意飲熱辣辣的湯, 這裡的湯夠熱, 啱我心意.

而蠔味尚算香濃, 若再濃一點就更好味, 湯中混入了忌廉, 所以入口幾滑身.

海鮮有機意大利飯.

材料幾豐富, 當中有帶子, 青口, 蝦和墨魚.

意大利飯軟硬度適中, 外層軟身, 咬開時帶有少許硬身, 這是我鍾意食的質感.

而帶有芝士的醬汁混入飯一齊食, 多了一份芝士的香味.

幾款海鮮材料也幾新鮮和爽口. 當中最愛食帶子, 夠彈牙, 煮的時間剛好, 不會硬身.

食完飯, 飲番杯嘢飲.

莫卡咖啡都幾幼滑, 我鍾意咖啡多奶, 所以叫佢再俾多一點奶我.

友人提及過這裡的甜品不錯, 愛食甜品的我, 當然要試一試.

這裡的甜品款式有很多, 不論中式或西式也有.

最後, 我地選了草莓窩夫配草莓雪糕.

上枱時已被的賣相所吸引.

份量也夠兩個人食用.

窩夫外層夠香脆, 而內裡帶少許鬆軟. 而且窩夫本身已經帶有甜甜地, 甜度已經足夠, 不用再另點蜜糖.

這裡的雪糕用上Movenpick雪糕, 雪糕夠香滑, 當中混入了草莓肉, 帶微微酸, 作為甜品真係好適合.