珍寶龍蝦仔牛角酥配薯條 @ 大坑The Pudding Nouveau

係炮台山工作的我, 間中也會去大坑那邊食飯, 貪佢夠方便. 較早前便去了位於大坑The Pudding Nouveau食飯.

我自己都幾鍾意去小店食飯, 款式雖然不太多選擇, 但勝在較為精緻, 一邊食飯, 一邊傾下計, 幾寫意.

飲品點了薄荷香茅薑茶.

入口時, 有淡淡的薄荷, 香茅和薑的味道, 互相交織, 特別醒神, 而且味道也不會太過嗆.

主菜點了珍寶龍蝦仔牛角酥配薯條.

牛角酥好鬆化, 而且仲夠脆. 入口時完全是一層層, 好有層次. 對於我來講牛角酥最重要是夠鬆化.

牛角酥內放了龍蝦仔, 份量都算幾多.

龍蝦仔內質也幾彈牙, 幾鮮味, 同牛角酥配搭幾夾.

而薯條更是我喜愛的粗身波浪薯條, 不但薯味較濃, 口感又好一點, 而且外脆內嫩, 不論是點黑松露汁或是茄汁, 一樣咁好味道.

最後, 點了甜品.

我選了仲夏香芒法式多士芭菲.

這個芭菲賣相幾靚.

除了法式多士和芒果雪糕外, 內裡仲有不少配料, 例如煙煙韌韌的丸子.

最開心是切開芭菲後, 內裡有滿滿的忌廉, 我自己好鍾意食忌廉, 滑滑的忌廉, 可以配埋多士一齊食.

而芒果雪糕帶微微的酸, 幾醒胃.

我鍾意佢的窩夫, 是我愛食的質感, 不會太過脆身, 帶少少軟.