三五知己飯聚 @ BBQ7080

幾個朋友一齊食飯, 除了火鍋, 韓燒也是一個不錯選擇. 早前就去了位於銅鑼的BBQ7080食晚飯.

坐好後, 侍應先奉上前菜, 有豆角, 酸蘿蔔和泡菜.

仲有生菜, 這是用來包肉食.

而每人就有醬汁, 洋蒽和冷豆腐.

我地點了牛脷, 這是我最愛的食品之一, 所以必點.

牛舌薄身又大塊, 燒的時候, 較易熟. 入口腍身, 點醬汁一齊食就更好味.

另外, 點了牛肋骨(調味).

牛肋骨本身已經有味, 所以燒的時候已經香味撲鼻. 由於是原條上枱, 燒到差不多熟的時候便可以剪開一塊塊.

牛肉肉質嫩滑, 牛味幾濃郁, 味道適中, 不用再點醬汁.

我地也是愛食牛, 所以再點了特級雪花牛肉.

牛肉色澤嫩紅, 雪花分怖也算平均.

燒熟的牛肉, 肉味不俗, 不論就咁食或是點醬也可以, 只是風味不同.

食咗三款肉, 也試了帶子.

一份帶子有六隻, 而且都算大隻, 由於上枱時已用紙盛載着, 只需要直接放上烤盆上燒便可.

帶子新鮮又夠鮮味.

原來這裡也有不少熟食, 我地也點了石頭什錦牛肉飯試一試.

侍應送來時, 才在客人面前混入醬料.

這個飯的確幾惹味, 由於我不太食得辣, 覺得偏辣了一點, 但友人就食得好滋味.

其實仲有不少款式未試, 有機會要再來試~