環境舒適, 款式選擇多 - 築地番本日式放題

星期一約了好友去築地番本日式放題食晚飯, 地點位於通菜街一座新開的大廈內.

這裡的放題時段有四個, 各人可以因應價錢和時間而選擇.

款式種類選擇也有不少, 例如前菜, 刺身, 壽司, 手卷, 燒烤, 天婦羅, 炸物, 日本料理, 創意卷物, 甜品, 飲品. 即使不食魚生的我, 選擇仍然不少.

另外, 每位可以加五十蚊, 來個升級體驗.

佢會在枱放上星形圖案以作識別.

先食幾款前菜醒胃先, 點了朝鮮八爪魚粒, 辣味螺肉, 意式黑松露帶子沙律和自家制日本大根漬物.

其中我特別鍾意食自家制日本大根漬物, 入口幾爽, 口感不錯, 味道略為淡,若醃製時間長一點會更好.

日式蟹粥和忌廉煮藍青口是加錢先有得點. 份量幾大碟, 日式蟹粥粥底算不錯, 唔會太稀, 蟹味稍為淡了一點.

忌廉煮藍青口幾大隻, 肉身不會太硬, 忌廉汁幾滑, 但唔夠味.

壽司我食咗松葉蟹棒壽司和自家製玉子壽司, 味道算不錯.

我最愛食牛舌, 當然點了鹽燒牛舌, 牛舌夠厚身, 有趙口, 灑上鹽燒, 互相配合, 味道夠濃郁, 啱晒我的口味, 所以這個我有再點食.

海鮮我也鍾意食, 所以點了黃金焗蠔, 牛油蒜香炒帶子.

黃金焗蠔, 蠔面放咗煙肉碎, 所以幾香, 蠔大隻一點, 口感更佳.

牛油蒜香炒帶子份量幾大, 啖啖肉, 味道適中.

炸物點了一口芝士豆腐, 紫心香芋丸和日式炸芝士年糕.

紫心香芋丸, 外脆內裡煙靭, 還有淡淡的香芋味.

日式炸芝士年糕, 上枱熱辣辣, 若再炸耐一點, 等內裡的芝士再軟身多一點會更好.

天婦羅點了廣島蠔, 虎蝦, 日本南瓜和糖心蕃薯天婦羅. 脆漿幾薄身, 唔會太厚粉.

廣島蠔較焗蠔大隻, 而且啖啖肉, 愛食蠔的另一個選擇. 日本南瓜和糖心蕃薯幾甜.

由於太飽, 甜品我只點了一杯芝麻雪糕.

平日日式放題的飲品也是以汽水為主, 若要飲清酒要另外加錢, 但這裡的飲品紙是包括日本千賀清酒和冰梅酒任飲, 愛飲酒的朋友一定不要錯過.