生日食季季豬, 你試過未 - 季季紅風味酒家

平日同朋友慶祝生日多是食蛋糕, 但大家有無諗過用乳豬作為慶祝生日呢? 上星期我就去咗灣仔季季紅風味酒家食生日晚餐.

季季紅最出名就是蝦禾米乳香豬.

蝦禾米乳香豬

它是選用不到20日大的乳豬仔, 脂肪不多, 份量又剛好. 先將蝦米混合米飯炒香, 再塞滿原隻乳豬, 用線縫好, 然後燒香, 便成為內香外脆的乳香豬.

上檯時由侍應即席將乳豬切成小件, 乳豬內的蝦米炒飯吸收了豬的肉汁及油香, 連同香脆乳豬同食, 非常惹味.

隻乳豬一上枱, 已經香味撲鼻. 而且仲將它化身為生日豬, 真係好特別呢~

 

乳豬的皮薄又脆, 脂肪又少, 食多幾件都不怕. 除咗乳豬, 一定要食埋d飯, 完全吸收晒乳豬的精華.

響螺豬肺頂菜膽湯

我本身好鍾意飲湯, 這個湯事前要下不少功夫, 因為洗豬肺有好多步驟. 個湯好清甜, 無味精, 食完乳豬, 最啱飲這個湯, 滋潤一下.

冰鎮原隻鮑魚件萵苣

這隻鮑魚口感不錯, 唔會太硬. 除了就咁食, 可以點上豉油芥末, 又有另一番風味. 至於萵苣平日我就較少食, 這個是爽爽.

玫瑰頭抽黃金雞

這隻雞配上頭抽, 更加入味, 對於鍾意食濃味的我就最啱, 而且雞的質地也嫩滑.

蟹肉扒雙寶疏

疏菜上放滿蟹肉, 好吸引, 美中不足是疏菜的味道略為較淡, 未能和蟹肉互相配合.

鬆子五柳大桂皇

我自己好怕食多骨的魚, 食這個就好方便, 因為是啖啖肉, 而且魚好厚身,再配上五柳汁, 好夾好開胃.

芝味焗元貝

一見到這個焗元貝已經被吸引住, 因為元貝上有好多醬, 若我自己覺得芝士味唔多夠, 再多一點會更加好.

爽蠔珍菌盆

這個可以話是大雜會, 材料豐富, 有蠔豉, 各式各樣的菌, 支竹, 自己最愛食蠔豉和雜菌, 好入味.

鴛鴦糕點

食咗咁多嘢, 最後當然要食番個甜品, 今次是桂花糕和馬豆糕. 桂花糕不算太甜, 有淡淡的桂花味. 馬豆糕就略為差一點, 椰汁和豆可以再多一點.

地點:

季季紅風味酒家

灣仔道3號尚翹峰第1座