初嚐摩洛哥菜 @ Casablanca Restaurant & Café

早前友人話帶我去食特別嘢, 一踏入店內, 見到四周的裝飾和枱上的碟, 帶有中東的感覺, 估計是食中東菜, 友人揭曉, 原來食摩洛哥菜, 間店叫Casablanca Restaurant & Café.

枱上的碟幾靚.

真的幾冷門, 係香港只得兩三間店食摩洛哥菜.

飲品我先點了Moroccan Mint Tea.

這是一壺上枱, 個壺幾有特色.

而且個壺是相當熱, 我一不小心摸到壺身, 隻手即時彈開.

我自己鍾意茶要夠熱, 特別好飲.

入口充滿薄荷菜的香味, 非常醒精.

主菜我地點了一個薄餅, 款式也有七八款.

我地點了Chicken Supreme.

材料有Pizza Sauce, mozzarella cheese, mushroom, chicken onion and oregano.

上枱已香味撲鼻.

個薄餅有成12吋, 所以都好大個.

薄餅面有勁多半溶芝士, 絶對啱晒愛食芝士的我.

薄餅偏向厚身, 相對較有口感.

材料也相當豐富, 每款也和芝士好夾, 多重口感.

這個時候飲番一杯薄荷茶, 感覺令人舒服, 有消膩的效果.

另外, 我地點多了一個主菜, 叫Chicken Tagine.

上枱的容器好別緻.

打開後, 見到兩件雞.

一件是雞腿, 一件是雞胸.

我是食雞胸, 好多時雞胸的肉質較為硬和乾身, 但這個肉質仍然算嫩滑.

而味道也調教不錯, 偏向濃味, 但不會覺得好咸.

第一次食摩洛哥菜, 感覺不錯, 也適合香港人的口味, 平日食飯想轉一轉口味, 這裡是不錯的選擇.

慢嘆法國餐 @ Les Saveurs Private Kitchen

平日工作忙碌, 節奏又急促, 總要在限時之前處理妥當, 經過一輪忙碌生活, 決定好好食一餐, 去了位於銅鑼灣的Les Saveurs Private Kitchen食飯.

來食法國菜, 當然是慢慢享受, 可以令人心身放鬆.

枱上的碟圖案有幾款, 個個有所不同.

不用多說, 法國菜一直以精緻食材為賣點. 食之前還可以欣賞師傅的擺放心思.

套餐每位$788, 另外加一.

侍應先奉上麵包籃, 內裡有牛角酥和法包.

牛角酥夠鬆化, 而法包搽上牛油特別好味.

接着, 奉上餐前小食.

L'Amuse Bouche.

材料有海膽, 櫻花蝦, 而慕絲是由椰菜花奶油造成, 幾特別.

由於我唔食海膽, 幼滑慕絲混入帶脆身的櫻花蝦, 雙重口感.

再來是前菜.

Lightly Seared Langoustine.

材料同樣用上海膽, 也加入了一些魚子醬, 配上海藻, 由於我唔食海膽, 只是淺嚐了一點點.

Fresh Smoked Salmon.

上枱時是蓋住, 稍等兩分鐘才打開, 這樣才能將煙燻滲入食材中.

三文魚面放滿了煙燻魚子醬.

而旁邊的紅色醬汁也相當特別, 這是蘋果辣根汁和紅菜頭醬.

由於我唔食生嘢, 這個菜式沒有食, 友人話帶咸的魚子醬和三文魚好夾, 三文魚又夠滑身.

終於到了我期待的餐湯.

Cream of Jerusalem Artichoke.

侍應先將放了黑毛豬薄片和炸亞枝竹的碟放上枱.

再在客人面前混入湯.

這個要整勻一齊飲, 湯中混入帶咸的黑毛豬薄片, 兩者配合得宜, 對於愛飲湯的我, 非常好飲.

65C Egg Confit.

賣相就好吸引.

一整開温泉蛋, 蛋黃流出, 時間控制得剛剛好.

蛋黃味道夠香濃.

食的時候要混合晒碗內所有材料一齊食, 多重口感.

食主菜之前, 先食一個雪芭, 清一清喉嚨.

主菜有三款選擇, 分別是雞, 牛或魚, 當中選牛要另加$88.

我就選了Sous Vide Corn Fed Chicken.

主菜上枱, 賣相精緻.

雞面放了一些牛肝菌, 而旁邊是蔬菜.

當我食第一啖雞時, 相當驚訝, 口感完全唔似雞肉, 有點似硬身的啫喱或布甸.

原來是打碎鵝肝釀入雞肉中, 所以完全不覺得硬, 無想過會是這個整法, 幾特別.

旁邊的配菜也不是錯過, 可以起中和作用.

來到甜品時間.

Green Tea Mills Feuille.

這是我愛食的拿破侖, 中間是抹茶醬.

抹茶味道相當香濃細滑, 甜度適中, 而拿破侖幾脆身, 兩者好夾.

愛食芝士的朋友, 可以加$88點選French Cheese PLATTER.

一共有六款不同的芝士.

就這樣渡過悠閒的一個晚上.

士多啤梨杯 @ Café de Paris Est. in Korea

認識我的朋友也知道我是一個愛食甜品的人, 早前從好友口中得知銅鑼灣開了一間韓國人氣甜品店, 叫Café de Paris Est. in Korea.

 

店內人氣食品, 必定是Bon Bon Series.

 

當中有青提, 芒果和士多啤梨, 我選了士多啤梨杯.

 

另外, 我也點了一杯熱茶, 味道是蘋果櫻桃茶.

 

買完後, 店員會俾這個鐘客人.

 

當響的時候, 就可以出去拎.

 

士多啤梨杯好大杯.

 

全部由士多啤梨和忌廉砌成.

 

杯頂的士多啤梨灑上糖粉.

 

士多啤梨唔係好大粒, 但幾甜, 並帶有少少的酸, 非常好食.

 

食食下, 見到好多幼滑的忌廉, 味道夠香滑, 甜度又適中. 對於愛食忌廉的我, 見到咁多忌廉, 特別開心.

 

中間是士多啤梨沙冰.

 

沙冰打得幾細滑, 食的時候感覺有點似思樂冰, 對於我來講, 甜度剛剛好. 最初也怕似藥水味, 但又唔覺喎.

 

食完凍嘢, 最好飲番杯熱茶.

 

這個壺和杯好靚.

 

茶味算幾濃. 我自己覺得櫻桃味較為突出, 飲番一口的熱茶, 感覺令人舒服.

 

質地清爽, 一試愛上 - MD Skinical白藜蘆醇凍齡精華

隨着年紀增加, 肌膚的問題也越來越容易出現, 需要使用一些針對性的產品, 今次試了來自美國MD Skinical白藜蘆醇凍齡精華.

 

MD Skinical白藜蘆醇凍齡精華 ($858/30ml)

有助平衡隨著年齡增加而累積的自由基，增強肌膚細胞自我修複能力，提升肌膚天然抗氧能力，也能防止皺紋和減少色斑，並提亮整體膚色.

當中含有納米體棕櫚酰五肽-3和棕櫚三肽-5 ，有助促進細胞增新，並去除肌膚受損的細胞，刺激膠原蛋白增生、防止細紋和鬆弛形成，為肌膚凍齡，使肌膚看起來更年輕.

適合任何肌膚使用.

使用方法:

早晚於潔面及爽膚後，使用１－２泵塗上面部和頸部，可於塗防曬霜及化妝前使用.

質地是啫喱凝膠, 感覺幾清爽.

我鍾意泵型設計, 使用時更衛生和方便.

我大約取一泵的份量, 均勻搽在全面.

精華易推開, 好快被肌膚所吸收.

我特別在斑的位置搽多一層, 加強效果.

另外, 我會搽埋在頸部位置, 希望可以改善一下頸部的紋理.

用咗差不多兩個星期, 感覺膚色稍為無咁暗啞, 肌膚相對細緻咗, 期待效果再明顯一點, 我相信要再用多一些時間.

產品和資料由品牌提供.

想知道更多品牌的最新消息和資料, 可以登入以下網址:

https://www.facebook.com/mdskinical/?fref=ts