與友歡聚 @ Jashan Indian Cuisine

平日食飯多食日韓或西餐為主, 友人想食下其他菜, 所以便選了位於中環的Jashan Indian Cuisine食印度嘢.

店內燈光昏暗, 幾有情調.

而且擺放了一些得獎的獎座和獎狀.

坐下後, 店員先奉上welcome soup and food.

湯是帶有咖喱味, 少許辣, 而小食似薯餅.

來食印度嘢, 我必飲Mango Lassi.

飲的時候充滿芒果的味道, 夠清甜, 好好飲.

小食點了 Kadak Jhinga.

這是蝦來, 一共有兩款口味, 一款是唔辣.

一款是辣, 可以試晒兩款口味.

蝦的外層和平日食的有點不同, 外層不是脆身, 蝦幾大隻, 而且蝦肉夠爽口彈牙.

由於我唔太食得辣, 我自己鍾意食唔辣那一款多一點.

NAAN也是必點, 有多款口味選擇, 最後, 我地選了芝士味.

一客有三塊.

入口時有淡淡的芝士香味, 而質感帶少許煙煙韌韌, 這是我喜愛的口感.

食NAAN除了單食外, 也可以配醬汁一齊食, 所以我地點了一客Butter Chicken.

上枱時已香味撲鼻.

我第一時間先食雞肉.

雞肉肉質尚算嫩滑, 最鍾意佢是啖啖肉.

而醬汁可以用來點NAAN食, 這是另一番風味.

令雙眼更明亮 - Emotion Skincare E-Filler Eye Contour Cream

隨着年紀漸大, 有關抗皺, 修護等的重點產品更加留意, 而眼部四周的肌膚更薄更脆弱, 為了預防或是減淡眼紋的出現, 要選擇適合的眼部產品, 早前試了Emotion Skincare 的 E-Filler Eye Contour Cream.

E-Filler Eye Contour Cream

結合公認為最有效的抗老成份，配合 Emotion Skincare 獨有E.S.U Biocomplex專利技術，給予肌膚深層滋潤及營養，高效抗皺重塑.

重組肌膚自生力，加速骨膠原增生， 為眼肌重新定齡，締造逆齡神話.

連續使用，會發現眼部肌膚變得滋潤飽滿， 皺紋明顯減淡


主要成份：

Bio Hyaluronic Acid - Hexapeptide - Black Currant Oil - Argan Oil - Soja (Phytoestrogens) - Vitamin E - Olive (Oil)

使用方法：

取出一粒黃豆大小的E-FILLER逆齡抗皺眼霜於指尖，輕輕按壓眼袋及眼部四周皮膚，使用前配合E-FILLER亮眸走珠眼部精華促進眼部循環效果更佳.

小貼士：

E-Filler產品內含微細活性成分組合，部分活性成分在發揮作用期間，可能會對極度敏感肌膚引起輕微刺激, 建議在使用後閉上眼睛10秒，並避免直接接觸眼睛。

產品是採用密封式包裝, 首次使用要先撕開才能開始使用, 保證產品夠新鮮.

質地是cream狀, 但也算易推開.

產品是意大利製造, 有品質保證, 可以放心使用.

隨盒附有一支小棒子, 使用時更衛生.

取適量眼霜後, 搽在眼袋和眼部四周的肌膚, 並輕輕按壓, 加強吸收.

使用完這款眼霜後, 眼部的肌膚無咁乾, 細紋無咁明顯.

產品和資料由品牌提供.

想知道更多品牌的最新消息和資料, 可以登入以下網址:

https://www.facebook.com/emotion.skincare.hk/

快餐 @ 金記冰室

放工後去銅鑼灣做facial, 我習慣先食少少嘢才去, 我就選了附近的金記冰室食個快餐.

今次我點了金記三文治, 並烘底.

三文治材料豐富, 內裡有蛋, 午餐肉, 火腿, 生菜, 蕃茄等.

因為多材料, 口感較佳, 加上烘底的包, 外層帶少許香脆, 所以特別好味.

來到茶餐廳, 我也鍾意點湯飲, 特別愛飲俄羅斯羅宋湯.

我鍾意食濃味嘢, 這個湯啱晒我, 入口酸中帶少許微辣, 特別醒胃.

我自己愛食湯料, 湯裡有幾多的雜菜和蘿白, 吸收晒湯的精華, 特別好食.

飲品點了熱利賓納.

利賓納甜度適中.

我幾鍾意佢地個杯, 幾有特式.

我見到隔離坐的農夫包好香好吸引, 下次要來試下.

Eggs Puffs(devil) @ Petite House

近年越來越多特色的甜品店在香港開張, 早前在雜誌上得知銅鑼灣開了一間全港首家旋轉雪糕店叫Petite House, 我當然第一時間去潮聖.

由於算近我工作的地區, 所以上星期便揾一日放工後去食.

店內最特別之處是設有16部旋轉雪糕機, 睇住佢即場整, 感覺特別新鮮.

我選了這裡人氣食品, 就是Eggs Puffs(devil), 即是雞蛋仔配雪糕.

上枱時已被賣相所吸引.

材料豐富, 除了雞蛋仔外, 仲有朱古力意式雪糕, 忌廉, 朱古力百力滋.

雞蛋仔是即叫即整, 上枱時仍然帶點暖身, 入口時外層少許脆身, 內裡幾鬆軟, 蛋香再濃郁一點更美味.

雞蛋仔面淋了朱古力醬和忌廉, 三者好夾, 多重口感.

而朱古力布朗尼的味道夠香濃, 可以同雞蛋仔間住食.

中間的朱古力雪糕夠幼滑, 朱古力味幾香濃.

是朱古力控朋友要一試這個Eggs Puffs.

食完這個都幾飽肚.

另外, 我也點了一杯飲品, 款式選擇多, 我選了Coconut Gelato Smoothies.

這個同平日飲的沙冰有點不同, 當中混入雪糕一齊打成, 所以口感較幼滑.

因為是椰子味道, 飲的時候充滿椰子的香味, 感覺也較為清新, 可以中和一下剛才食的Eggs Puffs.

這裡還有窩夫, 各式各樣的飲品, 下次有機會要再來試下.