晚餐 @ 北京樓

與友人食飯, 大家多選擇日式或西式, 今次有人提議食中菜, 我當然無問題, 係友人介紹下去了尖沙咀的北京樓食飯.

雖然這間北京樓已開了多年, 但我也是首次來食.

坐下後, 除了飲茶外, 也點了一杯較西式的飲品

叫葡萄柚, 柚子泡泡.

賣相幾靚, 這杯係茶, 入口幾清新.

小食點了揚州龍青瓜.

主角雖只係簡單的青瓜, 但好考師傳的刀鋒.

無切斷, 厚度幾乎一致, 好勁.

青瓜夠新鮮爽脆, 配上柚子青檸汁, 特別開胃.

來這裡, 不能不點烤北京填鴨.

皮入口帶點脆身, 但唔會覺得好油或者好肥膩感覺.

配上青瓜絲, 京蔥和醬一齊食, 多重口感.

東坡肉.

我本身唔鍾意食肥肉, 但這個東坡肉卻是較我想像中瘦.

肉質夠鬆軟, 調味適中.

富貴雞.

賣相已經好精緻.

上枱後, 再係客人面前淋上玫瑰露, 營造出火焰效果.

切開雞後, 內裡有好多餡料, 如冬菇, 螺片, 鮑絲等.

炒田園菜.

一口氣食了幾款肉後, 就點了一個菜.

顏色夠色彩繽紛, 蔬菜夠新鮮爽脆. 又可以起中和作用.

甜品點了青蘋果酥 .

個酥皮夠鬆化, 而且以青蘋果作為餡, 平日相對較少食到, 甜度適中.

這一餐食得相當愉快.