胡椒蝦 @ 蝦棧

友人知我愛食海鮮, 帶了我去位於太子的蝦棧食飯.

我地點了醉雞卷, 香煎墨魚黑白卷, 魯肉鮮蝦湯米和胡椒蝦.

醉雞卷.

平日食醉雞食得多, 整成卷還是首次.

雞肉尚算嫩滑, 而且啖啖肉, 食得夠方便.

但酒味再濃郁一點更好.

香煎墨魚黑白卷.

外層薄而香脆.

饀料有黑白的墨魚, 肉質幾彈牙.

主角胡椒蝦上枱, 香味撲鼻.

用鐵鍋上枱, 保持熱度.

一共有八隻蝦, 蝦幾大隻.

蝦夠新鮮, 蝦肉夠爽口彈牙, 入口有微微胡椒味, 若胡椒味多濃一點更惹味.

魯肉鮮蝦湯米.

米湯夠脆身, 吸收晒鮮蝦精華, 特別鮮味.

而湯也要飲, 夠鮮甜, 飲完不覺得口渴.