清燉牛肉麵 @ 樂面牛屋

早前去銅鑼灣做療程, 先係附近食嘢先, 去了樂面牛屋食台式野.

我點了小食老爹滷雞翼, 清燉牛肉麵和熱珍珠奶綠微甜.

店員先奉上熱珍珠奶綠.

熱珍珠奶綠茶底不俗，入口時茶味香濃，質感又細滑.

而且珍珠夠煙煙韌韌, 咬時帶點甜, 幾好味.

老爹滷雞翼.

一碟有四隻, 雞翼幾大隻和飽滿.

肉質尚算嫩滑, 唯獨滷水味道不夠, 不太入味.

主菜清燉牛肉麵上枱.

一上枱已經聞到幾強的藥材味, 原來係湯底加入杜仲, 這個幾特別.

入口時有淡淡藥材香味，個湯飲晒也不覺得口渴.

而牛肉原來係牛展, 牛展帶少許咬口, 但也算稔身.

麵質軟硬適中.

鍾意食辣的朋友, 可以選擇紅燒牛肉麵.