海鮮之夜 @ 潮福蒸氣石鍋

難得約朋友飯聚, 早前在友人提議下去了潮福蒸氣石鍋食海鮮餐.

粥底二選一, 有新鮮排骨粥和瑤柱鮮淮山粥, 我地選了後者.

滋潤燉湯二選一, 有老黃瓜燉唐排和姬崧茸燉螺肉, 我選了前者.

另外, 每位送三款菜式, 包括脆皮乳鴿(每位半隻), 貝瞉盛盆, 刺身拼盤或生猛龍蝦, 選了後者.

再從九款海鮮中點四款, 最後揀了生猛大元貝, 北韓鮮鮑魚, 北海道北寄貝和美國桶蠔.

飲品和其他款式就任點任食.

價錢由每位$298至$388不等, 詳情如下:

首先我去混醬一下.

乳鴿不算大隻, 勝在外皮幾脆口.

貝瞉盛盆.

當中有兩至三款品種, 肉質幾鮮甜, 也幾彈牙.

估不到半隻龍蝦也幾大隻, 啖啖肉.

老黃瓜燉唐排.

個湯材料相當豐富, 好適合依加的天氣飲用, 能夠滋潤喉嚨.

生猛大元貝.

元貝都算大隻, 顏色雪白, 肉質幾清甜, 最緊要食埋粉絲, 因為吸收晒精華, 特別好味.

北韓鮮鮑魚.

鮑魚幾厚身, 咬的時候夠口感.

北海道北寄貝.

這個沒有沙, 幾有咬口, 味道也鮮美.

美國桶蠔.

整熟後還算大隻, 蠔味尚算不俗.

四款海鮮的時間全由店員負責, 所以控制時間剛剛好, 也夠嫩滑, 不會太硬或乾身.

最後, 當然要食埋個粥底, 因為完全吸收晒所有海鮮的精華, 粥夠晒鮮味, 而且也夠棉.