晚飯 @ 花月居酒屋

友人知道我愛食日本野，早前便帶我去位於尖沙咀的花月居酒屋食飯.

店內怖置帶有和風感覺.

我地先點了北海道胡麻雞翼和清酒煮大蜆.

北海道胡麻雞翼.

雞翼外表夠香脆，內裡肉質嫩滑，入口有淡淡胡椒味道.

清酒煮大蜆.

大蜆洗得幾乾淨，食的時候無沙，蜆肉幾鮮甜，若果酒的味道濃一點更正.

愛食牛舌的我，點了一串燒牛舌.

牛舌唔算好厚身, 但勝在夠彈性, 帶點咬口, 味道調教適中.

見到有鹽燒油甘鮫燒, 這個平日唔多見到, 所以就點了.

估不到魚鮫也幾大件.

唔好以為魚鮫無肉, 其實有不少魚肉.

魚肉不但雪白, 而且夠嫩滑, 唔係特別愛食魚的我, 也覺得好好味.

最後, 點了蒲燒鰻魚飯.

鰻魚份量也不少.

鰻魚幾肥美, 有口感, 與鰻魚汁十分夾, 若果再多一點鰻魚汁就更好味.

店員的服務有待改善, 當我坐下後, 沒有送上水, 我覺得這是最基本要求, 直到我要求才有.