任食火鍋放題 @ 囍

較早前趁新年四日假期, 去完拜年後, 便去了位於觀塘的囍食火鍋.

這裡有六款任食火鍋選擇, 價錢由$168 - $308, 任食90分鐘.

我地選了$278的放題, 包括澳洲和牛, 美國黑豚肉, 牛舌和海活海產拼盤.

而湯底有8款選擇, 我地選了黃金椰子湯底.

湯底是選用椰子水, 好適合依加天氣, 滋潤一下, 無咁熱氣, 加上雞是自家農場養.

當湯滾起, 店員放入雞.

再用漏斗計時, 當漏完後, 再加五分鐘時間便食得.

可以先飲湯, 我覺得味道淡咗D, 而雞肉幾嫩滑.

開始滾其他材料.

而出面係自助形式, 有各式各樣的蔬菜, 丸類和腸.

混醬也有不少選擇.

仲有飲品.

雪糕當然不少得.

牛肉幾腍身.

牛舌相對較有咬口, 我自己還是鍾意食鹽燒整法的牛舌.

黑豚肉夠薄身, 所以較易熟, 也夠腍身.

海鮮拼盤有蝦, 青口, 蠔和墨魚.

當中最愛食墨魚, 夠彈牙, 又唔硬.

一口氣食了多款的肉, 要食一些菜和丸, 中和一下.

最後, 當然要食番一杯軟雪糕.