龍蝦包 @ Hungry Lobster

上星期要到銅鑼灣上堂, 上堂前, 我去了位登龍街的Hungry Lobster 食午飯.

一睇個店名, 就知道這間店是主打龍蝦 所以餐牌中大部份的菜式也是以龍蝦為主.

這裡有三款套餐, 適合一個人或兩個人點選.

愛飲湯的我, 先點了一個法式龍蝦湯.

個湯幾滑身, 而龍蝦味也好濃, 夠鮮味, 唯一美中不足是個湯唔夠熱.

對於我來講, 湯最基本是要夠熱, 熱湯特別美味.

另外, 我點了龍蝦包, 加$12可以配沙律, 加$22可以配薯條, 我就兩樣也配了.

龍蝦包上枱.

賣相幾吸引.

龍蝦包份量唔算大件, 我相信男士未必夠飽, 女士就剛剛好.

個包外層微微脆身, 內裡就鬆軟, 非常好味.

龍蝦肉幾彈牙, 加上起晒肉出來, 啖啖肉, 食的時候夠方便.

薯條唔算好粗身, 但薯味不俗, 外脆內嫩.

沙律幾新鮮, 入口爽脆.

這個沙律能清一清喉嚨, 起中和作用.