串燒 @ 鮮港式串燒吧

友人在觀塘返工, 所以相約在觀塘食飯. 這次友人帶我去工廠大廈食飯, 最後選了鮮港式串燒吧, 這裡是主打串燒.

我點了厚切牛舌串, 墨汁墨魚腸, 蘑菇雞肉飯團,煙肉芝士大蘑菇和燒鯖魚.

枱上有三款醬汁用來點食物.

厚切牛舌串.

一串有三件.

牛舌帶點咬口, 幾有彈性, 完全唔硬和乾身, 牛舌面加上黑胡椒粒, 特別惹味.

單食已經夠味. 也可以點醬一齊食.

墨汁墨魚腸.

覺得加入墨汁幾特別, 便點來試下.

外皮帶少許脆身, 內裡有一粒粒的墨魚粒, 多了一份口感.

鍾意食香腸的朋友, 來這裡要試下這個.

蘑菇雞肉飯團.

飯團外層略為燒過, 入口時感覺似食飯焦, 微微脆脆地.

唯一是內裡的饀就太少, 多一點, 感覺豐富一些.

煙肉芝士大蘑菇.

上枱時已香味撲鼻.

蘑菇能夠保持多汁, 完全不覺得乾身.

而且蘑菇面上放滿了芝士和煙肉, 雙重口感, 與蘑菇是最佳拍檔.