鐵板燒和牛套餐 @ 心鉄板燒

尖沙咀食店選擇多, 除了厚福街一帶外, 亞士厘道的選擇原來也有不少. 早前便去了心鉄板燒食晚飯.

這裡除了單點外, 仲有套餐選擇, 最後, 我選了一人套餐鐵板燒和牛套餐, 可以試齊豬和牛.

由於我唔食生嘢, 就同我改了沙律為風乾火腿沙律.

我自己鍾意食偏向乾和硬身一點的火腿, 這個口感啱晒我.

帶有咸味的風乾火腿, 配上新鮮蔬菜, 蔬菜中和咸味, 非常夾.

湯可以從龍蝦湯, 松露磨菇湯和日式魚奶湯三選一, 我選了龍蝦湯.

龍蝦湯幾濃郁, 質地夠杰身. 

意大利多士.

香脆的多士面放滿了粒粒蕃茄, 入口感覺清新, 雙重口感.

銀紙焗火焰廣島蠔.

整過的蠔, 放在碟上, 再在上枱前點火, 送到客人面前, 非常靚.

蠔夠肥美, 蠔味幾重. 而在蠔面上放了一些蝦乾, 這個幾可口.''

深海石斑柳配蕃茄他他醬.

魚肉肉質夠嫩滑, 而旁邊仲有醬和醃過的蕃茄, 口感幾特別.

日本神戶黑豚肉厚燒.

黑豚肉是厚切較有口感, 肉幾多汁, 完全不覺得過硬和乾, 烹調時間控制不錯.

日本鹿兒島產A4和牛薄燒.

食完豬就食牛, 我這次選擇薄燒.

內裡包着一些漬物, 估不到與牛肉咁夾, 非常好味, 食法和口感和黑豚肉感覺完全不同.

季節野菜.

一口氣食了幾款肉, 係時候食一些蔬菜中和一下.

小女子炒飯.

這個飯炒得幾乾身, 每一粒也是分開, 不會太油膩.

最後以甜品作為總結, 鹽味雪糕配叮噹銅鑼燒.

雪糕味道有幾款選擇, 鹽味我覺得幾特別, 又未試過.

帶淡淡的粉藍色, 牛奶味幾突出, 唔會覺得鹽.

而叮噹銅鑼燒是即整, 所以夠鬆軟, 內裡的紅豆餡甜度適中.

這一餐非常豐富, 而且環境也好靚, 好適合特別日子來.