期間限定 - 甘粟焙茶芭菲 @ 京林屋

愛食甜品的我, 對於各式各樣的甜品也好有興趣. 在日本擁有過百年歷史的京林屋當然不可以錯過.

店內的怖置充滿和風設計.

這裡除了有甜品外, 也有麵食, 但我偏愛甜品, 所以也是點甜品.

這裡以抹茶聞名, 當然要選抹茶食品.

我選了抹茶蕨餅.

食甜品, 最適合配茶, 我選了熱焙茶 – 朝熏.

侍應先奉上熱焙茶.

佢地先焗好一杯在小壺裡, 上枱後, 客人自行倒出來便可.

再有一個熱水壺, 大約有兩至三杯的份量, 客人可以自行沖. 

並附有圖教大家怎樣去沖.

茶帶有甘香, 用來配甜品一齊食係最夾.

再來是抹茶蕨餅.

並附有抹茶粉和黑精.

侍應教我先單食, 之前再加入黑糖食一次, 最後再混入抹茶粉再食. 這樣可以試齊不同口味.

蕨餅質感帶少許煙韌.

單食蕨餅, 基本上無乜味道, 感覺幾清.

混入黑糖, 多一份甜, 味道較突出.

再加入抹茶粉, 入口時多了一份香濃的抹茶味道, 雙重口感.

我自己最鍾意混入黑糖和抹茶一齊食.

另外, 見到餐牌有期間限定的甜品, 我就選了甘粟焙茶芭菲.

賣相精緻.

一層層的材料相當豐富, 包括焙茶雪糕、焙茶啫喱、寒天、白玉、忌廉和栗子.

焙茶雪糕幾幼滑, 茶味也算濃. 白玉帶有煙煙韌韌, 粟子幾有口感, 粟子味夠香濃, 而且軟硬適中. 焙茶啫喱可以用作清一清喉嚨.

食完最上層, 就食中間, 內裡有脆米, 忌廉, 紅豆和粟子蓉, 全部混合一齊食, 味道很夾, 而且粟子蓉甜度適中, 不會太甜, 食晒也不會覺得膩.

這個限定芭菲來這裡要一試.