串燒放題 @ 火出燒

銅鑼灣食市林立, 少去一陣, 就會發現又有新的食店出現. 今次我地去位於駱克道的The L Square食飯, 這座大廈開了一年左右吧, 整座也有不少食店, 最後, 我地去了火出燒食任食串燒.

平日任食放題食得多, 任食串燒就相對較少.

座位都算寬闊.

不同月份來食飯(兩位起), 也有驚喜, 今個月可以免費得到海鮮關東煮鍋.

材料幾豐富, 吸收晒湯的味道, 特別鮮美.

這裡的選擇也有不少, 分別有前菜, 宮崎的牛類, 鹿兒島的豚肉類, 土佐類(雞), 水產(魚和海鮮), 野菜, 別類, 而飲品加$20便是任飲.

我地也貪心, 每個種類也點了一些款式.

枱上有三款不同醬汁, 包括藍色掃的燒汁, 黃色掃的蜜糖和綠色掃的酸辣醬. 客人可以因應自己喜愛, 而在燒的過程中加入醬汁.

爐中間最熱, 主要放肉類, 右邊放蔬菜, 而左邊無架, 可以放有殼的食物, 例如生蠔和青口.

我先放上各款的串燒, 等佢地熟的期間, 我就先食前菜.

野菜沙律幾清新, 而冷麵好適合依加天氣食.

雜肉腸配上蜜糖特別好味. 而豚肉漢堡肉質幾嫩滑, 配上燒汁就惹味一點.

而牛舌是薄切, 帶少許咬口, 不會太乾身. 而牛肩肉尚算腍身.

燒生蠔和青口也配上燒汁, 味道夠濃郁, 啱我口味.

另外, 有燒雞半隻. 肉質幾嫩滑, 入口有淡淡的香草味道.

玉子燒是厚切, 口味較佳, 芝魚丸就內裡有芝士, 食的時候帶點煙韌, 這兩款我也愛食.

最後, 就是甜品.

大福煙煙韌韌, 作為甜品很不錯.

唯一是這裡沒有熱水提供, 飲品只有凍飲, 對於想飲熱水的客人, 少了一個選擇.

無縫纖維面膜, 貼服面型 - Dr. Jart+ V7 Toning Mask維他命透白面膜

無論工作幾忙, 我也會在沖完涼或訓前敷面膜, 多數以紙面膜為主, 因為夠方便. 今次試了Dr. Jart+ V7 Toning Mask維他命透白面膜.

Dr.Jart+ V7 Toning Mask維他命透白面膜 ($168/ 30g X 5)

當中含有7種維他命, 包括維他命A, B3, B5, C, E, F和H, 有效促進肌膚新陳代謝, 從而解決肌膚各種問題, 為肌膚全面補充所需營養, 先修護, 後更生.

即時提亮膚色，用後全日肌膚變得潤澤光滑，通透亮白.

不含苯，滑石，礦物油及人工香料等等.

貼服的無縫纖維面膜仿如第二層皮膚，穩定地釋放精華到每一寸肌膚，預防黑色素形成和積聚，同時為肌膚保濕，由內至外令膚色亮澤。

使用方法:

潔面及爽膚後，取出面膜敷約1５-20分鐘後取下。輕輕按摩至剩餘精華完全吸收。

我鍾意這款面膜所用的無縫纖維, 帶點拉力, 可以因應自己面型去拉, 但又不會整爛面膜, 所以更加貼服.

面膜精華也不少, 可以先再多餘的精華搽在面上, 然後再敷面膜.

用後, 肌膚即時變得有彈性和無咁暗啞, 作為急救之用也是不錯選擇.

Dr. Jart+ V7多元維他命再生透白系列在全線莎莎發售.

產品和資料由品牌提供.

想知道更多品牌的最新消息和資料, 可以登入以下網址:

https://www.facebook.com/sasahongkong/

創意日式料理 @ S2 Kitchen

在港島區食飯, 多數以銅鑼灣為主, 偶然也會去中環一趟, 今次我地去了S2 Kitchen食日本嘢.

店內裝修似居酒屋, 充滿日式風情.

店內坐位有限, 我地被安排坐在壽司枱, 可以近距離睇到師傅烹調的過程, 感覺也不錯.

我地點了青蘋果蟹籽沙律.

天氣炎熱, 最適合食沙律. 而這個以爽口帶點酸的青蘋果絲配上卜卜聲蟹籽, 兩者好夾, 酸酸地最醒胃, 作為前菜最適合不過.

小食點了我愛食的北海道日本粟米.

我自己不食生嘢, 但這個粟米, 試了一次便愛上了, 因為來自北海道這款粟米是生食.

味道好清甜, 食了令人感覺舒服.

主菜點了海膽燒岩蠔.

我不食生嘢, 所以試不到這裡人氣食品 – 海膽杯. 不過, 這個海膽燒岩蠔就好啱我食啦, 因為師傅知我不食生, 特別整熟佢.

帶點甘味的海膽, 配上幾濃蠔味的岩蠔, 真係美味無窮.

再來, 日本婆海膽豆腐薯條.

個名真係幾特別叫日本婆, 究竟是甚麼來? 原來是師傅自家制的麻婆醬.

個醬帶點辣, 帶幾分惹味, 用來配上滑身而無乜味的豆腐, 味道剛剛好.

薯角就外脆內嫩. 除了薯角外, 仲有薄脆, 用來加上混入醬的豆腐一齊食,  另有一番風味. 由於海膽是生, 所以我無緣試, 友人話幾好味.

食了好幾款菜式, 發現全部也是用酒杯承載食品, 真的幾特別.

來食日本嘢, 串燒也是必點菜式之一. 我地點了日本秋葵和日本免治鴨肉棒.

秋葵是一款好健康的食物, 這樣簡單燒來食, 味道已經不俗.

日本免治鴨肉棒. 這款幾特別, 平日多是食雞肉或豚肉, 鴨肉真係較少食.

肉質幾嫩滑, 又多汁, 不會覺得乾身, 而且仲啖啖肉, 啱晒懶人. 

食日本料理, 感覺菜式較為精緻, 可以睇出師傅如何運用佢地的烹調技巧和心得, 去整出有特式的菜式, 帶給客人驚喜.

美味天丼波和燒牛舌 @ 下町天丼秋光

早在五月尾時得知日本淺草天婦羅專門店『下町天丼秋光』六月在香港銅鑼灣開設分店, 感到非常開心, 因為佢地在2015年在日本全國天丼大賞中矛勇奪金賞. 早前終於有機會一試佢地的天婦羅.

在店的門口, 見到掛上, 代表這裡的米是採用來自日本的米.

店內的座位不算好多, 所以最好預早訂位.

店內裝修以簡約和風為主.

這裡除了天婦羅外, 還有刺身, 壽司和小食選擇.

來這裡食飯, 我當然是為天婦羅而來.

這裡的天婦羅選擇也有不少, 另外, 也有單點, 客人可以因應自己的喜愛而選擇.

最後我選了天丼 – 波, 當中包括海鰻一條, 炸小蝦帶子白魚野菜餅一塊, 蝦有兩隻和野菜三款, 貪心的我, 可以一次過試多幾款.

愛食牛舌的我, 見到有燒牛舌, 忍不住要點一客來試下.

店員先奉上燒牛舌.

賣相精緻.

每一塊牛舌大小也差不多, 色澤又靚.

這裡的牛舌是厚薄度適中, 入口時牛舌夠濃, 帶點咬口, 肉質夠Juicy, 完全不覺得硬和

乾身.

單食已經夠味, 若想再突出牛的味道, 可以加一點點鹽作為調味.

期待已久的天丼 – 波終於上枱.

份量真係幾大份.

見到天婦羅已發現和平日食開的有點不同, 炸粉較深色, 原來當中除了由秋光師傅研發的秘方外, 仲有沙律油和麻油, 而且外層炸粉也是較為厚身, 所以口感上有所不同.

由於已加入醬汁, 已經夠味.

我先試下由日本運來的原條海鰻.

海鰻都幾大條, 而且肉質雪白, 幾嫩滑.

大蝦肉質幾爽口彈牙.

炸小蝦帶子白魚野菜餅.

這塊野菜餅材料豐富, 並混入了脆口的小蝦, 食的時候雙重口感.

一口氣食了幾款海鮮, 係時候食野菜中和一下, 野菜仲有三款口味添.

由於我點了天丼, 這是有飯在底.

飯是不可以錯過, 佢是用我愛食的日本米, 較為黏身, 加上天婦羅的醬汁, 真係好夾.

首次食這款天婦羅, 我自己就覺得好味道, 也不算好油膩, 對於愛濃味的我就啱晒心意.

;.

特盛日式汁燒鰻魚炒飯和招牌玫瑰雞翼 @ Chatting Cafe

依加晚上食飯時間好多時也有限時, 想多坐一會, 慢慢食和傾下計也較為困難, 所以我地選擇了樓上CAFÉ, 貪佢唔限時, 又坐得舒服. 今次我地去了位於旺角的Chatting Cafe食飯.

一踏入店內, 見到坐位是梳化.

而且梳化上還放了鬆弛態公仔, 有點屋企的感覺.  

餐牌是人手寫,  特別有親切感.

我地見這裡有不少小食, 想試多幾款, 所以點了小食拼盤.

當中包括雞翼, 司華力腸, 鴨胸和薯條.

雞翼外層幾香脆, 內裡雞肉尚算嫩滑.

薯條是我愛食的粗身波浪薯條, 薯味相對較濃, 較有口感.

另一款小食是招牌玫瑰雞翼.

上枱時被佢的賣相所吸引, 因為真係整成一支支玫瑰花咁樣, 這個真係要花一點時間.

雞翼外皮帶點脆身, 這個是甜, 蜜糖汁, 入口時有淡淡的玫瑰味.

飲品點了熱棉花糖奶蓋抹茶.

抹茶面加上了棉花糖, 味道一般, 抹茶味再多一點會更好.

主食點了特盛日式汁燒鰻魚炒飯.

上枱時已經香味撲鼻.

份量都幾大碟, 可以兩個人一齊Share食.

原條鰻魚肉質幾嫩口, 算幾厚身和肥美, 而且不會整到好乾身.

炒飯較平日食的好食, 除了飯是一粒粒, 不會痴埋一齊.

另外, 還加入了鰻魚粒和醬一齊炒, 所以特別入味和增加口感.

有時來Cafe食飯也是一個不錯的選擇.