提拉米酥雪糕筒和芝士焦糖爆谷 @ Sweet Monster

早前經過APM, 發現IT裝修完, 格局完全改變咗, 仲開設了Sweet Monster, 這是一間來自韓國, 主要賣雪糕和爆谷.

先點了一杯軟雪糕, 選了抹茶曲奇.

雪糕使用超過75%牛奶製造, 入口時牛奶味幾香濃, 而且仲夠滑身.

抹茶曲奇粉灑在雪糕面上, 入口多了一份抹茶味道, 又不算太甜.

另外, 點了提拉米酥雪糕.

我自己就鍾意食甜筒, 所以我點了甜筒.

同樣是牛奶雪糕, 雪糕面改為灑上提拉米粉.

這個味道相對較抹茶粉濃一點.

甜筒都算幾脆身, 一邊食雪糕, 一邊食甜筒, 雙重口感.

而在雪糕內有手指餅乾和咖啡, 口感真係幾似食Tiramisu.

食完雪糕, 有點口渴, 點了一杯飲品.

揀了熱情果香橙冰茶, 我唔鍾意太多冰, 叫了小冰.

賣相充滿夏日感覺, 幾色彩繽紛.

味道不錯, 甜度適中, 飲完感覺舒暢, 又解渴.

走的時候, 忍唔住買了兩盒爆谷返屋企.

爆谷一共有五款口味, 包括芝士焦糖, 焦糖, 朱古力, 濟洲蜜柑和士多啤梨.

最後, 我選了芝士焦糖和濟洲柑.

佢地的爆谷使用非轉基因粟米製造, 不經油炸, 不含反式脂肪和飽和脂肪, 可以安心食用.

我先試芝士焦糖.

芝士味幾足夠, 有點似食芝士波.

焦糖味外層相對較脆身, 我想信是爆谷面多了一層焦糖, 甜度適中.

這兩個口味也是我愛食之一, 一盒裡有甜和咸的爆谷, 滿足晒兩個願望, 不過就唔夠喉. 若芝士味能夠獨立有一盒就好.

濟洲蜜柑.

覺得這個口味幾特別, 所以決定試下.

帶有柑的甜味, 但無焦糖咁甜, 多了一份清新感覺.

我鍾意佢地用密實袋裝着的設計, 相地無咁易漏氣, 若是使用拉鍊式的密實袋就更好.