古法蒸石班 @ 金記冰室

上星期放工後去銅鑼灣做facial, 見仲有時間, 先去食野, 無意中發現在霎東街開了金記冰室, 便入去食飯.

店內的裝修充滿懷舊和玩味.

我最鍾意這個怖置成電車車身的設計.

而餐牌也經過精心設計, 好似一塊兵兵球拍.

見到這裡的是日晚餐, 一共有六款選擇, 我見都幾吸引, 便選了古法蒸石班, 飲熱檸賓, 湯就揀了中湯.

店員先奉上中湯, 這是粉葛湯.

湯幾清甜, 適合依加的天氣飲用, 當中仲有湯料, 我自己鍾意食湯料, 啱晒我.

古法蒸石班上枱拉.

估唔到都幾大條魚, 而且沒有想過冰室也有蒸魚食.

食魚當然要配白飯, 兩者是最佳拍檔.

蒸魚最重要是時間控制, 時間過長, 魚會較硬老咗, 這個魚肉算幾滑身, 師傅掌握算不錯, 我自己本身食得較濃味, 所以味道略為淡了小許.

最後, 飲番一杯我愛飲的熱檸賓.

甜度適中.

食完就去做facial, 下次先再來食其他食品.