炸魚腐蓮藕餅魚麵 @ 金戶茶餐廳

早幾日放假, 午飯去了屋企附近的商場買外賣, 睇下有咩啱食, 最後去了一間叫金戶茶餐廳買嘢食.

因為我見到佢地有魚麵食, 一來好耐無食, 二來唔係成日有食店有得食.

我點了一個套餐, 炸魚腐蓮藕餅魚麵, 熱阿華田, 凍飲加兩蚊, 外賣加一蚊, 這個套餐是$39.

返到屋企, 即時試下先.

魚腐有三件, 蓮藕餅有一塊.

蓮藕餅幾大件.

軟硬度適中, 而且當中還混入了蓮藕粒, 所以幾有口感.

而魚腐幾滑身, 有點彈牙.

我最期待的魚麵又怎樣呢?

魚麵唔腥, 入口時麵唔屬於好彈牙那一類, 最重要是混入魚的份量也算不錯, 我最怕一些魚麵不似魚麵, 這是我鍾意食的那一款口感.

估不到屋村的茶餐廳也不錯.