燒吞拿魚鮫 @ 和歌山

自從知道美麗華廣場開了不少新的食店後, 有好多食店我也未試過, 所以早前又去那裡覓食, 今次友人選了和歌山.

一入到店內, 已好鍾意佢地的怖置, 尤其是這個咁有特色的吊燈, 是將一套杯和碟倒轉掛下.

我地先點了日本蘿蔔芝麻醬沙律.

這個小食看似整法簡單, 但選取的材料好重要.

入口非常爽甜, 原來是選用日本蘿蔔配上自家製芝麻沙律.

我鍾意佢把蘿蔔切成粗條, 這樣入口時口感較佳.

海鮮茶碗湯.

我自己好鍾意飲湯, 但以茶壺承載, 用杯來飲, 我還是首次.

不用多說, 個湯好清甜. 入口仲多了一份淡淡菇的香味, 原來加了冬菇.

不好以為茶壺細細, 但內裡的材料相當豐富. 當中包括蝦、貝柱、蜆、白身魚片及白果.

燒吞拿魚鮫.

上枱時已被吸引, 魚鮫非常大件.

這個菜式原來好花時間和心機, 不是好多料理店有得食.

魚肉外層帶點香脆, 內裡夠嫩滑, 外脆內嫩.

就咁單食已經好好味, 不用點任何醬汁.

沙追魚天婦羅.

平日食天婦羅食得多, 但沙追魚相對較少食.

選用了日本沙追魚, 入口時, 覺得肉質較滑身.

而且炸粉夠薄身, 不會滿口也是炸粉, 這樣才能食出魚的味道.

大葉蝦膠天婦羅.

將蝦肉打成蝦膠, 入口夠爽口彈牙.