輕鬆一晚 @ Channel 3 Tapas Bar & Restaurant

這排工作忙碌, 友人提議放工後鬆一鬆, 便去了位於太子的Channel 3 Tapas Bar & Restaurant 食飯.

本身唔飲酒的我, 覺得無酒精的飲品選擇好少, 而且酒吧也以小食為主, 所以有點猶疑中, 但友人話去了先再講.

入到店內, 氣氛昏暗.

坐下後, 我地先點飲品.

睇下有甚麼適合我飲先, 原來除了一般Soft Drink, Juice外, 也有差不多十款Mocktails.

最後選了Virgin Colada.

當中混入了我愛的椰子, 所以好好飲.

係酒吧, 當然不少得薯片, 一邊食嘢, 傾計, 食薯片, 真的不錯.

只係食薯片, 當然不足夠.

我地先點兩款小食, 非一般西班牙奄列和黑松露炒什菌.

非一般西班牙奄列.

估唔到這個奄列咁好味. 入口時鬆軟, 而且蛋香味不俗.

黑松露炒什菌.

上枱已聞到黑松露的香味.

愛食菇的我, 點了這款較簡單的菜式.

什菌炒的時間控制不錯, 軟硬適中, 入口時充滿黑松露香味.

對於我來講, 黑松露和菇是最佳拍檔.

主菜點了德國蜜汁燒豬手和蘋果木煙燻香煎石班柳伴什菜沙律.

德國蜜汁燒豬手.

賣相幾精緻.

豬手外皮夠薄又香脆, 食的時候, 好似食薯片咁, 咋咋聲.

豬手肉幾咸香, 也算腍身, 味道調教適中.

食完肉類, 我地點了一款魚, 蘋果木煙燻香煎石班柳伴什菜沙律.

上枱時有個蓋蓋着, 一打開就有煙放出.

石班柳幾嫩滑, 而魚皮帶點微脆, 入口時多了一份煙燻味道.

當中伴有雜菜, 蔬菜幾爽脆, 可以起中和作用.