和風豬軟骨 @ 拉麵達人

上星期在佐敦上完堂, 便去了拉麵達人食午飯.

店內坐位不算好多, 正值是午飯時間, 差不多滿座, 幸好安排到一個座位俾我.

這裡的麵可以選擇粗或幼, 麵質可以硬, 正常或者軟, 而湯底可以選擇濃湯底. 只要在落單時同店員講一聲便可以.

這裡的拉麵款式也有不少, 最後我選了櫻花蝦達人, 選了幼麵, 麵質地和湯底也是正常.

這是標榜以濃蝦醬料製成, 我當然第一時間飲下個湯.

個湯尚算濃郁, 而且湯的質地較為杰身, 多一份黏性.

由於我本身是鍾意食濃味食品, 所以這個湯再濃一點會更加好味.

材料都幾豐富, 除了主角蝦之外, 仲有帶子, 蛋, 蟹棒等….

蝦肉幾爽口, 調教的味道適中.

蟹棒吸引晒的精華, 特別鮮味.

帶子唔算好大粒, 但質感還可以.

而我愛食的溏心蛋當然要試試, 蛋黃接近流出, 入口時有香濃蛋黃味道.

麵我是選了正常硬度, 對於我來講帶點彈牙, 口感不俗. 但我自己鍾意食軟身一點的麵質, 下次我會試下改為軟麵, 看看口感又怎樣.

我見到小食都幾吸引, 所以點了和風豬軟骨.

豬軟骨份量都不少.

豬軟骨的肉質夠腍身, 入口感覺好鬆軟, 一咬開肉, 已經離骨.

而且幾入味, 唔會只停留在肉的表面上, 這個好好味.

來這裡食拉麵, 可以一試.