任點任食韓燒加火鍋 @ BBQ 7080

近幾年韓風侵港, 好多朋友也愛上韓食, 我的朋友也不例外, 其中韓烤是大家熱門選擇之一.

今次我地去了位於旺角的BBQ 7080, 這裡是任點任食兩小時.

我地本身約咗七點, 因店未完全準備好, 去到才說要七點半才可以進入, 但事前又無電話通知, 希望佢地下次遇到同樣情況可以處理得更好.

這裡的牆畫幾靚.

坐下後, 店員先奉上泡菜和醬汁.

另外, 也我愛食的爐邊蛋.

飲品是自助形式, 任拎, 大約有五至六款選擇.

我地先點了一些肉類, 包括烤牛肉, 烤豬肉, 烤牛舌.

烤牛肉本身有調味, 所以味道剛好, 不用點醬汁.

牛肉夠薄身, 好快就熟, 又夠腍身, 這個好啱我口味.

烤豬肉同樣也是調好味道, 烤的時間較長, 但也是腍身和夠味.

仲要啖啖肉, 最啱懶人的我.

我特別推介這兩款, 來這裡要一試.

另外, 我地也點了帶子, 蝦和鮑魚仔, 這三款要額外加錢, 每款加$38至$58不等.

當中最愛食帶子.

帶子算幾大隻, 也算鮮味.

而蝦也可以, 幾爽口彈牙.

鮑魚仔就正常, 無太大驚喜.

生蠔當然不少得.

除了就咁燒外, 我地也放了一些芝士碎在蠔面上.

兩款食法也不錯, 加了芝士就多了一份芝士的香味.

烤小八爪魚也是一款幾特別的款式.

小八爪魚不會過硬, 口感不俗.

除了燒烤食品外, 也有一些韓式料理.

我地點了海鮮薄餅和韓式炒粉絲.

最愛韓式炒粉絲.

味道調教適中, 粉絲又煙煙韌韌.

海鮮薄餅味道相對較淡口, 但質感也可以.

由於得兩小時, 我地只夠時間燒烤, 其實仲有火鍋, 想兩樣也食的朋友就要好好控制時間.

這裡的食品質素也算不錯, 唯一美中不足的地方是漏單的情況頗為嚴重, 有些食品我地點了兩三次也沒有送來, 希望這方面可以改善一下.