清酒鮑魚雞翼 @ S2 Kitchen

平日我大多數在放工後來中環食飯, 放假好少過來, 早前放假便去了中環的S2 Kitchen食午飯, 假日的中環和平日真係好唔同, 難得少人.

這店的位置也有點難揾, 幸好有指示牌.

店內裝修充滿日本風味.

首先, 點了一個芒果蟹籽沙律.

芒果肉算幾甜, 唔會太酸.

而加入蟹籽在沙律中, 食的時候多了一份卜卜聲, 又多了一重口感.

食完清新的沙律後, 朋友就食這裡出名的海膽杯, 由於我不食生嘢, 我就食其他.

再來是師傅秘制玉子.

蛋卷整得好別緻.

師傳控制時間恰到好處, 蛋夠滑身, 唔會老身.

食的時候覺得有些脆脆的感覺, 原來當中混入了櫻花蝦.

清酒鮑魚雞翼.

上枱時已聞到香噴噴.

在雞翼中釀入鮑魚, 即時變成了名貴的菜式.

而且這個也是心機菜, 需要用時間去整.

雞翼已經起咗骨, 所以啖啖肉, 肉質夠嫩滑.

鮑魚算幾彈牙, 與雞肉一齊食, 雙重口感.

牛肉炒烏冬麵.

烏冬夠彈牙, 食的時候夠煙煙韌韌.

味道調教適中.

牛肉算腍身, 幾多汁, 唔會太乾又硬身.

甜品時間, 點了紅豆鯛魚燒.

賣相夠精緻.

外皮帶點脆身, 而內裡的紅豆蓉不會過甜.

作為飯後甜品啱晒.